Atcheh - آچه

هبحر محیط هندیده كاىٔن (سوماتره) جزیرهْ كبیره سنك قسم شمالیسنده بولنان حكومت اسلامیه نك بر شهر و لیما نیدر. حكومتنك شمالنده اولوب، آچه شهری دخی جزیره نك منتهای شمالنده و بر نهرك منصبندن یاریم ساعت یوقارید،٣٤ ْ٥ عرض شمالیده و ْ٩٣ َ١٢ طول شرقیبده واقعدر. نهر منصبنده اوچ شعبه یه تقسیم اولنه رق، دوكد كلر ی قومدن حاصل اولان سدلر سیر سفاتنه مانع اولیغی كبی، منصبك اطرافنده كی قوی دخی محافظه لی دكلدر. شهرك اهالیسی ٣٥۰۰۰ نفوس قدر اولوب، خانه لری ملایی اصولنده در، و حكمدارك سرایی (قراتون)‌ تعبیر اولنان بر قلعه ده كاىٔن و بر سور و خند قله محاطدر. بو مملكت بر عصر اول كی اهمیت تجار یه سنی غاىٔب ایتمش ایسه ده، لیمانی ینه خیلی سفاىٔنك آمد و شد محلیدر. مملكتك هر طرفنده كلیتله چیقان آلتون، باقیر، ذی قیمت طاشلر، كو كورد، بو بر، كافور و ساىٔره اخراجاتی واوروپادن كیدن آمریقان، باصمه، چوقه، آفیون، دمیر و ساىٔره ادخالاتی مذكور اسكله ده تعاطی و مبادله اولنور. آچه حكومتی بوندن اول او طرفلر حكوماتنك اك قوتلیسی اولوب، اون آلتنجی عصر میلادیده او جوارلری تسخیر ایدن پورتكیزلیلره داىٔما غالبانه مقاومت ایتمش ایدی. لسان محلیده محرر بر تاریخك روایتنه كوره، آچه دولتی هجرتك ٦۰١ تاریخنده تأسیس اولنمش؛ و سلطان سلیم خان اول زماننده سنان پاشا طرفندن اوجهته سوق ایدلمش اولان عثمانلی دوننماسی معرفتیله دولت عثمانیه نك تحت حمایه سنه كیر مشیدی. اخیراً فلمنكلیلرك تسلطی اوزرینه، ناىٔب حكومت بولنان ذاتك بالزات مركز خلافت اسلامیه یه كلوب، سلطان سلیم حضرتلرینك فرماننی ابراز ایله، حمایۀ عثمانیه یی تجدید استدعاسنده بولندیغی خاطرلرده در.

ورسماً خیلی واسع اولوب، علی الخصوص آطه نك سواحل غربیه سنده َ١٥ ْ٢ عرض شاملی یه قدر ممتد اولیور، و آچه دولتیله فلمنك مستملكاتنی درجۀ مذكوره ده جریان ایدن (سینكل) نهری آیریور ایسه ده، حكم و نفو ذی پك اعتباری اولوب، حقیقنده فلمنكلیلر حكم سورمكده درلر. علی الخصوص اخیراً رقیبلری اولان انكلیز لره (كینه) نك سواحلنی ترك ایده رك، سوماتره ده مختار و مستقل اولمق اوزره، انكلتره ایله فلمنك آره سنده بر معاهده عقد اولندیغندن، آچه حكومتنك بر حكومت تابعه صفتنده بیله دوام وبقاسی شبهه لیدر. مع هذا آچه لیلر، غایت جسور آدملر اولدقلرندن، ١٦ سنه دن بری همان متمادیاً فلمنكلیلر له محاربه ده بولنوب، قان دوكمكسزین انقیاده راضی اولمیورلر.