Ahmed Rafat Paşa - احمد رفعت پاشا

مصرلی ابراهیم پاشانك اوغلی اولوب، ١٢٤١ تاریخنده مصرده طوغمش؛ و شامده واقع اولان محاربه لرده پدرینك میتنده بولندقدن صكره، اكمال تحصیل ایچون پارسه كوندریله رك، اركان حرب مكتبنه دوام ایتمشیدی. پدرینك و فاتنده مصرده عودت ایدوب، آثار تحصیلندن و طننی مستفید ایتمكده ایكن، رأس اداره ده بولنان عباس پاشانك علیهنده بولنان فرقه كندیسنی رىٔیس اتخاذ ایتمك ایستمش؛ و كندیسی بویله بر ایشه قاریشمامش ایسه ده، عباس پاشانك نظرنده شبهه یی دعوت ایتدیكنی كورنجه، ١٢٦٧ تاریخنده درسعادته كلوب، سلطان عبد المجید خان طرفندن فریق رتبه سیله تكریم اولنمشدی. اوچ سنه صكره، سعید پاشانك مصر والیسی اولمسی اوزرینه، مصره عودتله، تشكیل اولنان مجلس مشورتك اعضالغنه و بعده ریاستنه تعیین اولنمشیدی. سعید پاشادن صكره كندیسنك مسند ولایته كچمسی مقرر ایكن، ١٢٧٣ تاریخنده راكب بولندیغی برواغونك قضاءً نیله دوشمسیله، مغروقاً وفات ایتمشدر.