Ebul Mensur Bağdadi - ابو المنصور بغدادی

(عبد القاهر بن طاهر تمیمی) مشاهعیر ادبادن و فقهاء شافعیه دن اولوب، حساب و فراىٔضده دخی ید طولى صاحبی ایدی. بغدادده تولد و نشأت ایدوب، بعده پدریله نیسابوره رحلتله، وفاتنه قدر اوراده قالمشدی. فقهی ابو اسحاق اسفراینیدن تحصیل، و مشارالیهك وفاتندن صكره، اونك یرینه (عقیل) مسجدنده تدریس و املا ایله اشتغال ایتمش ایدی. ثروت وسامان صاحبی اولوب، طلبۀ علومه پك چوق خیری طوقنوردی. ١٧ علمدن درس ویردیكی مشهوردر. ٤٢٩ تاریخنده اسفراینده وفات ایتمشدر. تصنیفاتی شونلردر: حسابه داىٔر ((التكملة))، ((تفسیر القرآن))، ((الكلام فی الوعید الفاخر فی الاواىٔل والاواخر))، ((كتاب ابطال القول بالتولید))، ((فضاىٔح الكرامیة))، ((معیار النظر))، ((تفضیل الفقیر الصابر علی الغنی الشاكر))، ((كتاب الایمان واصوله))، ((كتاب الملل والنحل))، اصول فقهه داىٔر ((التحصیل))، ((الفرق بین الفرق))، ((بلوغ المدی اصول الهدی))، ((نفی خلق القرآن))، ((كتاب الصفات))، اشعاری دخی كوزل اولوب، شو قطعه او جمله دندر : شبابی و شیبی دلیلا رحیلی فسمعاً لذاك و ذا من دلیل وقد مات من كان لی من عدیل و حسبی دلیلاً رحیل العدیل