Ebu Said Han bahadır ~ ابو سعيد خان بهادر
Kamus-ul'Alam - Ebu Said Han bahadır ~ ابو سعيد خان بهادر maddesi. Sayfa: 724 - Sira: 5
Ebu Said Han bahadır - ابو سعيد خان بهادر
چنكیز خان سلاله سنك ایرانده حكومت سورن ایلخانیان شعبه سنك حكمدار اخیری یعنی هلاكودن صكره طقوزنجیسی اولوب، اسم اصلیسی الجاتیو اولان سلطان محمد خدابنده نك اوغلیدر. پدری و اونك برادری وسلفی اولان غازان خان دین اسلامی قبول ایتمش اولدقلرندن، ابو سعید دین اسلامده طوغمش؛ و ٧١٦ تاریخنده، پدرینك وفاتی اوزرینه، ١٣ یاشنده اولدیغی حالده، تخته جلوس ایتمشدر. وزیر و مدبر اموری امیر چوبان اولوب، ینه چنكیز نسلندن اولان خوارزم صاحبی سیول ایله بر چوق وقت محاربه ایده رك، خراسانی اونك ید ضبطندن قورتارمش؛ و اوغلی تیمور طاشی
اناطولی یه كوندره رك، سیسده كی ارمنی دولتندن بر چوق یرلر ضبط ایتمشیدی. بعده ابو سعید امیر چوبان ایله طقوز اوغلنی قتل ایتمشدر. بونك زماننده ((جامع التواریخ)) نامیله چنكیز خانداننك تاریخنی یازمش اولان رشیدالدوله فضل الله دخی اعدام اولنمشدر. ابو سعید ٩ سنه حكومت سوردكدن صكره، ٧٣٦ تاریخنده وفات ایدوب، پدرینك تأسیس ایتمش اولدیغی سلطان نیه شهرنده دفن اولنمشدر. بونك وارثی قالمامغله چنكیز خانداننه منسوب بعض امرا بربرلریله اوغراشه رق، اللی سنه قدر قاریشیق بر حال دوام ایتدكدن صكره، تیمورلنك خروج ایتمشدر.
Kamusul Alam, Şemseddin Sami; Kamusul Alamde Ebu Said Han bahadır maddesi. osmanlıcada Ebu Said Han bahadır ne demek, Ebu Said Han bahadır anlamı manası, Ebu Said Han bahadır osmanlıca nasıl yazılır. Osmanlıca sözlükte Ebu Said Han bahadır hakkında bilgi. Arapça Ebu Said Han bahadır ne demek. Arapça osmanlıca sözlük. Farsçada Ebu Said Han bahadır anlamı
Kamusul Alamde - ابو سعيد خان بهادر Ebu Said Han bahadır maddesi. Şemseddin Sami, Kamusul Alam Ansiklopedisi