Ebul HAkem Muğrebi - ابو الحكم مغربی

عبیدالله بن مظفر باهلی) مشاهیر اطبا و حكمادن اولوب، ٤٨٦ تاریخنده اندلسك (مریه) شهرنده طوغمش؛ و ٥١٦ تاریخنده شرقه رحلتله، ایفای حج ایتدكدن صكره، بر مدت دمشق، اسكندریه و صعید مصرده اقامت، و بعده عراقه عزیمتله، بر مدت بغدادده مكث ایتمش؛ و ٥٢١ سنه سنده سلطان محمود بن ملكشاهه انتسابله، مشارالیهك اردوسیچون ٤۰ دوه اوزرنده نقل اولنور بر متحرك

خسته خانه یاپمشیدی. موخراً دمشقه عودتله، براجزاخانه آچه رق، و اجرای طبابت ایده رك، ٥٤٩ تاریخنده اوراده وفات ایتمشدر. كندیسی موسیقی یه دخی آشنا و عود چالمقده ماهر و اكلنجه یه زیاده سیله ماىٔل ایدی. علی الخصوص هجو و هزلیاته زیاده میلی اولوب، هجو ایتدیكی آدملری اكثریا اولمش فرض ایده رك، مرثیه طرزنده هجویه لر سویلمشدر. شعرای معاصرینله مهاجاتلری واردر. اشعارینی جمع و تدوین ایده رك، ((نهج الوضاعه لاولی الخلاعه)) تسمیه ایتمشدر. وفاتنه قریب سویلمش اولدیغی شو رباعی جملۀ اشعارندندر : یالهف نفسی اذا ادرجت فی الكفن و غیسبونی عن الاهلین و الوطن و قیل لا یبعدن من كان ینشدنا انا الذی نظر الاعمی فلم یرنی