ابو اسحاق شيرازی

Osmanlica ansiklopedi kamus alemde ابو اسحاق شيرازی maddesi. Sayfa:685


Ebu İshak Şirazi - ابو اسحاق شيرازی

(حمال الدین ابراهیم بن علی _ فیروزابادی) مشاهیر فقهاء شافعیه دن اولوب، عن اصل فارسده شیراز اعمالندن فیروزابادلی اولدیغی حالده، بغدادده ساكن اولمش، و اورانك ابو الطیب طبری كبی كبار علماسندن اخذ و قراىٔت ایده رك، علوم شرعیه ده تفرد ایتمشیدی. نطام الملك مشهور مدرسۀ نظامیه یی بنا ایتدیكنده، مدرسلكنی صاحب ترجمه یه تكلیف ایتمش ایسه ده، ابتدا قبول ایتمدیكندن، بشقه سی تعیین اولنمش؛ و بعده كندیسی نصب اولنه رق، وفاتنه قدر مدرسۀ مذكوره نك مدرسی بولنمشدر. بر چوق تصانیف مفیده سی اولوب، اك مشهورلری شونلردر : ((المهذب))، ((التنبیه))، ((اللمع))، ((شرح اللمع))، ((النكت))، ((التبصرة))، ((المعونة))، ((التلخیص))، زهد و تقوی ایله دخی مشهور ایدی. ٣٩٣ ده طوغوب، ٤٧٦ ده بغدادده وفات ایتمشدر. اشعاری دخی كوزل اولوب، شو قطعه او جمله دندر‌: سألت الناس عن خل و فی فقالوا ما الی هذا سبیل

تمسك ان ظفرت بذیل حر فان الحر فی الدنیا قلیل

Kamusul Alamde Ebu İshak Şirazi maddesi, ابو اسحاق شيرازی osmanlica tarih ve cografya ansiklopedisi Ebu İshak Şirazi nedir anlami. hakkinda bilgi



4 11 18 25 32 39 46 53 60 67 74 81 88 95 102 109 116 123 130 137 144 151 158 165 172 179 186 193 200 207 214 221 228 235 242 249 256 263 270 277 284