İbni MÜkaffe' ~ ابن مقفع
Kamus-ul'Alam - İbni MÜkaffe' ~ ابن مقفع maddesi. Sayfa: 669 - Sira: 4
İbni MÜkaffe' - ابن مقفع
(ابو محمد عبدالله بن داذبه) مشاهیر فصحا و بلغادن اولوب، ابتدای حالنده فارس مجوسلرندن ایكن، خلفای عباسیه نك برنجیسی اولان سفاحك عمی عیسی بن علی یه مراجعتله، شرف اسلامله مشرف اولمش؛ و مشارالیهك خدمت كتابتنده بولنمشیدی. علم و فضل صاحبی اولوب، لسان هندیدن نو شیروان زماننده پهلوی یه ترجمه ایدلمش اولان ((كلیله و دمنه)) كتابنی عربی یه ترجمه ایتمشدر. بصره والیسی سفیان بن معاویه ایله اكلنوب استهزا ایتدیكندن، مرقوم صاحب ترجمه یه غرض باغلامش اولمغله، ابن مقفع فساد عقیده ایله اتهام اولنه رق، تو قیفیچون طرف حلیفه دن امر ویرلدیكنده سفیان فرصتی قاچیرمیه رق، كندیسنی طوتمش؛ و اعضای بدننی برر برر كسدیروب، كوزینك اوكنده قیزغین بر فرونه آته رق، نهایت بتوننی دخی فرونه آتوب یاقمشدر. ابن مقفع ٣٦ یاشنده اولدیغی حالده، ١٤٥ تاریخنده بویله بر موت فجیع ایله وفات ایتمشدر. جملۀ اشعار راىٔقه سندن اوله رق حماسه ده مندرج بولنان بر مرثیه سنك مطلعی شودر : رزىٔنا ابا عموو ولاحی مثله فللە ریب الحادثاث بمن وقع
Kamusul Alam, Şemseddin Sami; Kamusul Alamde İbni MÜkaffe' maddesi. osmanlıcada İbni MÜkaffe' ne demek, İbni MÜkaffe' anlamı manası, İbni MÜkaffe' osmanlıca nasıl yazılır. Osmanlıca sözlükte İbni MÜkaffe' hakkında bilgi. Arapça İbni MÜkaffe' ne demek. Arapça osmanlıca sözlük. Farsçada İbni MÜkaffe' anlamı
Kamusul Alamde - ابن مقفع İbni MÜkaffe' maddesi. Şemseddin Sami, Kamusul Alam Ansiklopedisi