ابن عبد البر

Osmanlica ansiklopedi kamus alemde ابن عبد البر maddesi. Sayfa:645


İbni Abdül ber - ابن عبد البر

(ابو عمر یوسف بن عبدالله تمزی) اندلسك اعاظم فقها و محدیثنندن اولوب، علوم ساىٔره و ادبیاتده دخی ید طولی صاحبی ایدی. ٣٦٨ تاریخنده قرطبه ده طوغوب، تحصیل علم ایچون بر مدت سیاحت ایتدكدن صكره، اشبونه (یعنی لیسبونه) و شنتر ین قاضیلغنه نصب اولنمش؛ و طواىٔف ملوكدن مظفر بن افطس نامنه ((بهجة المجالس و انس المجالس)) كتابنی تألیف ایتمشدر. ((المتهبد لما فی الموطأ من العانی والاسانید)) ((الاستدراك لمذاهب الاعصار فیما تضمنه الموطاء من معانی الرأی والاثار))، ((الدرر فی اختصار المغازی و الیر))، ((جامع یان العلم و فضله و ماینبغی فی روایته و حمله)) عنوانلی كتابلری، انساب عربه داىٔر بر كوچك تألیفی و علی الخصوص اسماء صحابه و تراجم احواللرینی جامع ((الاستیعاب)) عنوانیله بر اثر جلیلی واردر، كه مشهور اولوب، درسعادت كتبخانه لرینك اكثرنده نسخه لری موحوددر. شرق و غرب علمای معاصرینیله مناسبات و محابراتی وار ایدی. ٤٦٣ تاریخنده شاطبه ده وفات ایتمشدر.

Kamusul Alamde İbni Abdül ber maddesi, ابن عبد البر osmanlica tarih ve cografya ansiklopedisi İbni Abdül ber nedir anlami. hakkinda bilgi



5 12 19 26 33 40 47 54 61 68 75 82 89 96 103 110 117 124 131 138 145 152 159 166 173 180 187 194 201 208 215 222 229 236 243 250 257 264 271 278 285