İbni Dekakil Id - ابن دقيق العيد

(تقی الدین ابو الفتح محمد بن علی قشیری) مشاهیر علمای مصردن و فقهاء شافعیه دن اولوب، مصرده قاضی القضاة بولنمشدر. ٦٢٥ تاریخنده طوغوب، ٧۰٢ سنه سنده وفات ایتمشدر. فقه و حدیث و تفسیر و ادبیات وساىٔر اكثر علومده عصرینك فریدی اولوب، فوق العاده ذكاوتی وار ایدی، و پك چوق كتب مطالعه ایتمشیدی. مصنفاتی چوق اولوب، باشلیجه لری شونلردر : ((الامام والالمام)) ، ((علوم الحدیث))، ((شرح عمدة الاحكام))، ((شرح مقدمة المطرز))، ((جمع الاربعین فی روایة عن رب العالمین))، شو قطعه جملۀ اشعار راىٔقه سندندر : تمنیت ان الشیب عاجل لمتی وقرب منی فی صبای مزاره فآخذ من عصر الشباب نشاطه و آخذ من عصر الشیب وقاره