İbni Düreyd ~ ابن دريد
Kamus-ul'Alam - İbni Düreyd ~ ابن دريد maddesi. Sayfa: 624 - Sira: 7
İbni Düreyd - ابن دريد
(ابو بكر محمد بن حسن ازدی) مشاهیر ادبادن اولوب، علی الحصوص فن لغتده زماننك امامی ایدی. اشعار و اخبار عربدن پك چوق محفوظاتی وار ایدی. ٢٢٣ تاریخنده بصره ده طوغوب، اوراده تحصیل علم
ایتدكدن صكره، عمانه كیدوب، بر خیلی مدت قامت، و بعده بصره یه عودت ایتمش؛ و مؤخراً میكان شاهك ایكی اوغلنه انتسابله، اونلرك معیتنده فارسه كیتمشیدی. ٣۰٨ تاریخنده بغداده دخولنده، خلیفه طرفندن كندیسنه شهری اللی دینای تخصیص اولنمشدی. ٣٢١ تاریخنده، یوز یاشنه قریب اولدیغی حالده، بغدادده وفات ایتمشدر. ابن میكال شاهك مدحنی متضمن اوله رق ((مقصوره)) عنوانیله معروف اولان قصیده سی پك مشهور اولوب، بر چوق ادبا طرفندن شرح و تحشیه اولنمشدر. لغته داىٔر ((جمهره)) عنوانلی معتبر بر كتابیله ((كتاب الاشتقاق))، ((كتاب زوارالعرب))، ((كتاب اللغات)) و ناتمام قالمش اولان ((كتاب غریب القرآن)) عنوانلی اثرلری واردر. اشعاری پك كوزل اولوب، شو ایكی بیت او جمله دندر : غراء لو جلت الخد و شعاعها للشمس عند طلوعها لم تشرق غض علی دعص ناود فوقه قمر تألق تحت لیل مطبق
Kamusul Alam, Şemseddin Sami; Kamusul Alamde İbni Düreyd maddesi. osmanlıcada İbni Düreyd ne demek, İbni Düreyd anlamı manası, İbni Düreyd osmanlıca nasıl yazılır. Osmanlıca sözlükte İbni Düreyd hakkında bilgi. Arapça İbni Düreyd ne demek. Arapça osmanlıca sözlük. Farsçada İbni Düreyd anlamı
Kamusul Alamde - ابن دريد İbni Düreyd maddesi. Şemseddin Sami, Kamusul Alam Ansiklopedisi