ابراهیم صارم پاشا

Osmanlica ansiklopedi kamus alemde ابراهیم صارم پاشا maddesi. Sayfa:574


İbrahim Sarim Paşa - ابراهیم صارم پاشا

سلطان عبدالمجید خان دوری ضدر اعظملرندندر. آیاصوفیه تربه دارلرندن حافظ موسی افندینك اوغلی اولوب، ١٢١٦ تاریخنده دنیایه كلمش؛ و بر مقدار تخصیل ایتدكدن صكره، دیوان همایون قلمنه دوامله، صنعت كتابتی تحصیل باشلامش؛ و آز مدت ظرفنده مهمه نویسان سلكنه دخول ایله، رىٔیس الكتاب سلیمان نجیب افندی یه دامایه اولوب، ١٢٣٨ تاریخلرنده خواجكانلق رتبه سنی احرازله، مؤخراً آمدی خلفالغنه انتقال ایتمش؛ و او وقت آمدىٔ دیوان همایون بولنان مصطفی پاشانك ١٢٤٨ ده مأموراً مصره عزیمتنده یرینه وكیل قالمشیدی. سنۀ مذكوره ده آمدی و كالتی عهده سنده اولدیغی حالده مقاطعه، و ٤٩ ده اقلام سبعه خواجه لكنه ناىٔل اولمش؛ و بعض وزرا قپو كتخدالغنه دخی نصب اولنمشیدی. بعده روسیه محاربه سندن بری مملكتینده قالوب، اورادن حركتی مشروط و مقرر اولمغله، مأموراً مملكتینه عزیمتله، عودتنده، بكلكجیٔ دیوان همایون وكالتنه تعیین اولنمش، و ١٢٥٣ ده اصالةً بكلكجیٔ دیوان همایون اولمشدر. ینه او سنه انكلتره قرالی دردنجی كلیوم وفات ایتمكله، قرالیچه و یقتوریا جلوس ایتدیكندن، اجرای تبریك و تعزیت ایچون، و مصطفی رشید پاشانك یرینه لوندره سفیری قالمق اوزره، بیوك ایلچیلك عنوانیله و خارجیه مستشارلغی پایه سیله لوندره یه عزیمت ایتمشدر. بر سنه صكره درسعادته عودتله باب عالیده كی دار شوری اعضالغنه تعیین، و بر قاچ آی صكره داخلیه مستشارلغنه نقل، و امور نافعه ریاستی دخو عهده سنه علاوه اولنمشدر.

١٢٥٥ تاریخنده سلطان عبدالمجید خان حضرتلرینك جلوسلرنده مأموریتی ابقا اولنمش ایسه ده، متعاقباً عزل اولنه رق، بعده جلوس همایونی مبشر نامۀ همایونی حاملاً فوق العاده مرخص و بیوك ایلچی عنوانیله طهرانه اعزام اولنمشدر. نر سنه صكره عودتله صیدا ایالتی دفتردالغنه تعیین اولنمش ایسه ده، وجود جه تحمل اولمدیغندن، استعفا ایده رك، ٥٧ ده مجلس و الای احكام عدلیه اعضالغنه، و متعاقباً تجارت نظارتنه نصب اولنمش ایسه ده، بر قاچ آی مرورنده نظارت مذكوره لغو اولنمغله، سنۀ مذكوره اواخرنده رتبۀ حالیه سی اولان اولی صنف اولیله خارجیه ناظری اولمشدر. ٥٩ تاریخنده عزل اولنه رق، ینه مجلس و الای احكام عدلیه اعضالغنه، و ٦۰ سنه سی اواىٔلنده ثانیاً لوندره سفارتنه تعیین اولنمش، و مؤخراً پارس سفارتنه تحویل مأموریت ایتمش ایسه ده، یكی محل مأموریتنه كیتمزدن، ثانیاً تجارت نظارتی توجیهیله استانبوله جلب، و سنۀ مذكوره اواخرنده زراعت نظارتی دخی مأموریتنه علاوه اولنمشدر. ٦٢ سنه سنده عزل اولنه رق، متعاقباً درسعادت امتعه كمر كر نظارتنه نصب اولنمش ایسه ده، سنۀ مذكوره اواخرنده رتبۀ بالا ایله صدارت مستشاری اولمش؛ و ٦٣ سنه سی ربیع الاولنده رتبۀ وزارتله مالیه نظارتنه، و بر سنه صكره مجلس و الا ریاستنه تعیین اولنه رق، ٦٤ سنه سی جمادی الاولاسنده مسند صدارت عظمایه صعود ایتمشدر. ٣ آی ایله ١٩ كون صدارتدن صكره عزل اولنوب، رمدت معزول قالدقدن صكره، ٦٥ سنه سی شوالنده خداوندكار ایالتی و الیلكنه نصب اولنه رق، ایكی سنه بروسه ده قالدقدن صكره، ٦٩ سنه سی ربیع الآخرنده طربزون و ملحقان و الیلكنه نصب، و سنۀ مذكوره ذی القعده سنده عزل ایله، درسعادته عودت ایتمش؛ و ١٢٧۰ سنه سی ذی الحجه سنك ٦ سنده ٦٥ یاشلرنده اولدیغی حالده، وفات ایتمشدر. اولدقجه كاتب و كارآشنا بر ذات ایدی.

Kamusul Alamde İbrahim Sarim Paşa maddesi, ابراهیم صارم پاشا osmanlica tarih ve cografya ansiklopedisi İbrahim Sarim Paşa nedir anlami. hakkinda bilgi



2 9 16 23 30 37 44 51 58 65 72 79 86 93 100 107 114 121 128 135 142 149 156 163 170 177 184 191 198 205 212 219 226 233 240 247 254 261 268 275 282