İbrahim Şah ~ ابراهيم شاه
Kamus-ul'Alam - İbrahim Şah ~ ابراهيم شاه maddesi. Sayfa: 573 - Sira: 3
İbrahim Şah - ابراهيم شاه
كشمیری فتح ایله. اوچ دفعه سلطنته ناىٔل اولمش اولان محمد شاهك اوغلیدر. ٩٣١ تاریخ هجریسنده كشمیرك صاحب قدیمی اولان (ملك كاجی جك) شاه محمدك حامیسی اولان دهلی حاكمی شاه ابراهیم لودینك مغلوبیتندن بالاستفاده، محمد شاهی حبس ایله اوغلی صاحب ترجمه ابراهیم شاهی تخته اجلاس ایتمكله، ابراهیم شاه دخی مرقومی وزیر مستقل اتخاذ ایتمشیدی. مرقوم ملك (كاجی جك) ك كشمیردن طرد ایتمش اولدیغی ابدال ماكری تیمور سلاله سندن اولان بابرشاهه انتجا و كشمیری فتح ایچون كندیسنه عسكر ترفیقنی استدعا ایتمكله، مستوفی بر عسكرله هجوم ایدوب، ملك كاجی جكی ابراهیم شاهدن آیرلمغه دعوت ایتمش ایسه ده، مرقوم موافقت ایتمدیكندن، محاربه واقع اولوب، ملكك عسكری منهزم، و كندیسی طاغلره قاچمغه مجبور، و صاحب ترجمه
دخی او صره ده نابدید اولمشدی. مدت سلطنتی ٨ آیدر. كندیسندن صكره اوغلی نازك شاه جلوس ایتمش، و مؤخراً پدری محمد شاه دردنجی دفعه اوله رق كشمیر شاهی اولمشیدی.
Kamusul Alam, Şemseddin Sami; Kamusul Alamde İbrahim Şah maddesi. osmanlıcada İbrahim Şah ne demek, İbrahim Şah anlamı manası, İbrahim Şah osmanlıca nasıl yazılır. Osmanlıca sözlükte İbrahim Şah hakkında bilgi. Arapça İbrahim Şah ne demek. Arapça osmanlıca sözlük. Farsçada İbrahim Şah anlamı
Kamusul Alamde - ابراهيم شاه İbrahim Şah maddesi. Şemseddin Sami, Kamusul Alam Ansiklopedisi