İbrahim Hıyari - ابراهیم خياری

مدینۀ منوره نك اون برنجی قرن هجری علماسندن و فقهای شافعیه دندر. ١۰٣٧ شو النده تولد ایدوب، ابتدا پدرندن، بعده سید میرماه بخاری و عیسی بن محمد مغربی وساىٔر مشاهیر علما ب مشایخدن اخذ و قراىٔت ایده رك، اكثر علومده و علی الخصوص تاریخده ید طولی صاحبی اولمشیدی. محفوظات و محاضراتی چوق اولوب، فصاحت لسان و طبیعت شعریه سی دخی وار ایدی. پدرینك و فاتندن صكره مدینۀ منوره مدارسندن برنده تدریسله اشتغال ایتمش؛ و ١۰٧٩ تاریخنده درسعادته كلوب، ١۰٨۰ ده دمشق شامه كیتمش؛ و متعاقباً ینه درسعادته كله رك، او وقت صدراعظم بولنان مرزیفونی مصطفی پاشا طرفندن پك چوق حرمت و اكرامه ناىٔل اولمش، و مصر خزینه سندن تأدیه اولنمق اوزره، كندیسنه مستوفی معاش تخصیص اولنمشیدی. استانبولده عصرك قدوة العلماسی اولان ابو السعود افندی ایله دخی ملاقات و مصاحبت ایتدكدن صكره، ینه شامه عودتله، دمشق، قدس، رمله و ساىٔر محللر علماسیله مباحثه ایده رك، مصره كیتمش؛ و اورادن مدینۀ منوره یه عودتله، ١۰٨٣ سنه سی رجبنده فجأةً وفات ایتمشدر. مولد شریف حقنده ((خلاصة الابحات و النقول فی الكلام علی قوله تعالی لقد جاء كم رسول)) عنوانلی بر تألیفی واردر. شو قطعه جملۀ اشعارندندر: و كنت اساىٔل الركبان عمن اقام بمهجتی ونأت ربوعسه فلما ذر شارقه منیراً بافق الطرف عاوده رجوعه