İbrahim Bitruni - ابراهیم بترونی

جبل لبنانده كی (بترون) بلده سنه منسوب اولوب، جدی حلبه رحلت ایتمش اولمغله، اوننجی عصر هجریده حلبده طوغمش؛ و اوراده تحصیل علم ایله طریق علمی یه سلوك ایده رك، بر چوق قضالره و ازان جمله حما قاضیلغنه اولنمش؛ و بعده پدرینك كندیسنه براقدیغی بعض جهتلرله اكتفا ایده رك، عزلت نشین اولمش؛ و ١۰٥٣ تاریخ هجریسنده ارتحال ایتمشدر. عالم وفاضل و شاعر بر ذات اولوب، اشعاری مقبول فصحای عربدر. شو قطعه جملۀ اشعارندندر : بینی وبینك مدة فاذا انقضت كنت الجدیر بان تعزی فی الوری رفقاً بقلب انت فیه ساكن ان الحیوة اذا قضی لاتشتری فاردد علی طرفی المنام لعله یلقی خیالاً منك فی سنة الكری واسأل عیوناً لا تمل من البكا عن حالتی ینبیك دمعی ماجری

لوب، محمد بن احمد بخشینك اوغلیدر. مملكتنك علماسندن ابتدای تحصیل ایتدكدن صكره، پدریله برابر حج شریفه كیده رك، مكۀ مكرمه ده بر قاچ سنه مجاور اولوب، مكه و مدینه علماسندن اخذ علوم، و پدرندن ادبیات عربیه و حدیث فنلرینی تحصیل ایتدكدن صكره، پدرینك وفاتی اوزرینه، حلبه عودتله اورانك علماسندن دخی تحصیل دوام، و بعده دمشقه كیده رك، اكمال تحصیل ایله، و طننه عودتنده، مدرسۀ مقدمیه ده تدریسه شروع ایدوب، ارتحالنه دك تعلیم و افاده ایله مشغول اولمش؛ و علم حدیثده مشارالیه بالبنان اوله رق درجه ده شهرت بولمشیدی. علوم ساىٔره ده دخی ید طولی صاحبی اولوب، علم فقهده مذهب حنفی اوزرینه اوچ جلددن مركب بیوك بر تألیفی واردر، كه اربابی عندنده مقبول و مستحسندر. اواخر عمرنده حصاة (یعنی مثانه طاشی) علننه مبتلا اولوب، عملیات اجراسی صره ده ١١٣٦ تاریخنده وفات ایتمشدر. حلبك (بكغالون) قریه سنه نسبتله (بكغالونی) اسمیله دخی معروفدر.