İbrahim Efendi şehri Emini - ابراهیم افندی شهر امینی

(شهر امینی _) سلطان محمود ثانی حضرتلرینك اواىٔل سلطنتلری رجالندن اولوب، پادشاه مشارالیهك فوق العاده توجه و اعتمادلرینه مظهر بولنمغله، صورتا شهر امینی اولدیغی حالده، حقیقتده مشاور خاص شهریاری ایدی. حتی مشهور حالت افندی یی دخی قرب پادشاهی یه سوق وتوصیه ایدن و ترقیسنه سبب اولان ابراهیم افندیدر؛ و ابراهیم افندینك وفاتنده مشاور خاص صفتیله اولان نفوذ واقتداری تمامیله حالت افندی یه انتقال ایتمشیدی. صاحب ترجمه ادرنه لی اولوب، ادرنه ده بر آز علم تحصیلندن صكره، ضیق معاش اجباریله، استانبوله كله رك، او وقتك خطاطلری مشهورلرندن اولان اسماعیل زهدی افندیدن حسن خط او كرنمشیدی. بعده شهر امینی جاوید احمد بكه انتساب ایده رك، كندیسی مقدم و مستقیم بر ذات اولمغله، جاوید بن كندیسنی اندرون همایونه داىٔر تعمیرات ایشلرنده استخدام ایدردی. بو مناسبتله ابراهیم افندی اندرونجه حسن اعتماد قزانوب، سلطان مصطفی خان رابعك جلوسنده باش مخاسبه جی اولمش، و آره صره صحبت خاصۀ شهریاری ایله دخی مشرف اولور ایمش. سلطان سلیم ثالث

وقعه سنده شان عبودیته یاقیشیر صورتده حركتده بولنوب، بعض خونه نك تكلیفات جنایتكارانه سنه مماشات ایتمكیچون، سلطان محمود ثانی حضرتلرینك توجه و محبتنی قزانمشیدی. شهر امبنی ایكن، ١٢٢٨ سنه سی جمادی الاحره سنك بشجی كونی وفات ایتمشدر.