ابان بن سعيد

Osmanlica ansiklopedi kamus alemde ابان بن سعيد maddesi. Sayfa:524


Eban Bin Said - ابان بن سعيد

(بن العاص بن امیه) صحابه دن اولوب، پدری طرفندن نسبی عبدمنافده یعنی بشنجی بطنده نسب رسواالله (صعلم) ایله برلشیر. والده سی خالد بن ولیدك خاله سی ویا صفیه بنت مغیره ایدی. برادرلری خالد وعمرودن صكره شرف اسلامله مشرف اولوب، اقوای روایاته كوره ٦ سنۀ هجریه سنده و قوع بولان (حدیبه) غزاسیله ٧ سنه سنده واقع اولان (خیبر) غزوه سی آره سنده اسلامه كلمش؛ و خیرسفرندن اول جانب رسول اللهدن بر سریۀ مخصوصه ایله نجد طرفلرینه اعزام بیورلمش؛ وعودتنده حضرت فخر كاىٔنات افندمزی خیبرده بولوب، قلعۀ مذكوره فتح اولنمشیدی. بعده (علا بن الحضرمی) نك عزلی اوزرینه، بحرین و الیلكنه تعیین بیوریله رق، حضرت نی ذی شانك ارتحاللرینه دكیز اوراده بولنمش؛ و صكره مدینه یه عودت ایدوب، حضرت ابو بكر كندیلرینی استخدام ایتمك ایستمشلرسه ده، حضرت رسول اللهدن صكره كیمسه یه خدمت ایتمك ایستمم دیه رك قبول ایتمه مش؛ وبر روایته كوره یمك بر جهتنه والی اولمش ایدی. حضرت عمر فاروقك زمان خلافتلرنده شام سفرنده شهید اولدقلری متفق علیه اولوب، شهادتنك (اجبادین) ، (یرموك) و (مرج) مخاربه لرندن خانغیسنده واقع اولدیغی مختلف فیهدر. روایته كوره (اجنادین) وقعه سی اثناسنده عمزاده سیله ازدواج ایتمش؛ وبونوعروس شاعره و جسوره بر قادین اولمغله، زوجنی مقتول كورنجه، كندیسندن صكره كیمسه یه وارمیه جغنی، واخذ ثاری یولنده فدای نفس ایده جكنی وعد ایله، قوجه سنك سلاحلرینی آلوب، میدان حربه آتیله رق، رتبۀ شهادته ناىٔل اولنجه یه قدر ارككلرده مثل نادر كوریلور بر شجاعت كوسترمش. ابان حضرتلری محل شهادتنده دفن اولنه رق، جنازه نمازینی بالذات حضرت خالد بن ولید ادابیورمشلردر. ذكر اولنان ایكی بر ادرندن بشقه شرف اسلامله مشرف اولمش ایكی برادری اولدیغی كبی، بدر وقعه سنده كافر اولدقلری حالده، بری حضرت بدر وقعه سنده كافر اولدقلری حالده، بری حضرت علی ودیكری حضرت زبیر طرفندن قتل اولنمش (عاصی) و (عبیده) اسمنده دیكی ایكی قرداشی

دخی وار ایدی. بو یدی قرداشدن یالكز مذكور عاصینك ذریتی قالوب، معاویه طرفندن بر آره لق مدینه والیكنه تعیین ایدلمش اولان سعید بن عاصی بن سعید بونك اوغلیدر.

Kamusul Alamde Eban Bin Said maddesi, ابان بن سعيد osmanlica tarih ve cografya ansiklopedisi Eban Bin Said nedir anlami. hakkinda bilgi



6 13 20 27 34 41 48 55 62 69 76 83 90 97 104 111 118 125 132 139 146 153 160 167 174 181 188 195 202 209 216 223 230 237 244 251 258 265 272 279 286