Ava - آوه

هند چینیده واقع (برما) ویا (بیرمانیا) دولتنك اسكی پایتختی اولان بر شهردر، كه (ایراوادی) نهرینك ساحل یسارنده یعنی شرق طرفنده و َ٥١ ْ٢٥ عرض شمالی ایله َ٤۰ ْ٩٣ طول شرقیده واقع اولوب، میلادك ١٣٦٤ تاریخنده تأسیس وپایتخت اتخاذ اولنه رق، ١٧٨٣ تاریخنه دك ٤٢۰ سنه معموریتدن صكره، تاریخ مذكورده مركز حكومت ینه نهر مذكورك بر قاچ ساعت یوقاریسنده مجدداً تأسیس اولنان (آماراپوره) شهرینه نقل اولنمغله، (آوه) شهری تدنی یه یوز طوتوب، مؤخراً بر آره لق پكیدن پایتخت اتخاذ و اعمار اولنمش ایسه ده، ١٨٣٧ ده ینه (آماراپوره) ، و ١٨٥٧ ده، اونك دخی تركیله، مجدداً تأسیس او-

لنا (مندالای) شهری پایتخت اتخاذ اولنه رق، اووقتدن بری (آوه) شهری بسبتون ترك اولنوب، خراب اولمش، و موقعنی بر طاقم یبانی نباتات اورلری، ابنیۀ میریه یی وایلری كلنلرك خانه لرینی حاوی اولان بر ایج قلعه ایله نهر بوینجه اوزانان مستطیل شكلنده بر شهردن عبارت ایدی. اطرافی ٥ متره یوكسك و ٣ متره قلین بر سورله و سورك خارجنده بر خندله محاط ایدی. سورك محیط داىٔره سی ١۰ ، وایج قلعه نك كی ٤ كیلومتره ایدی. یالكز معبدلر و سرای طوغله دن معمول و مزین اولوب، اغنیانك خانه لری اخشاب وساىٔر خلقك مسكنلری دخی خرمانوعندن آغاج دال ویاپراقلرندن معمول قلبه لردن عبارت ایدی. بو اصول هندچینیده عمومی اولوب، شهر وقصبه لرك پك قولای تأسیس وپك چابق تخریب اولنمسنی تسهیل ایدیور. _ بو شهرك مركزی بولندیغی مملكت ودولته دخی بعضاً (آوه دولتی) نامنی ویریلیردی. [((برما)) ماده سنه مراجعت بیوریله. ]