Alicante ~ آليقنت
Kamus-ul'Alam - Alicante ~ آليقنت maddesi. Sayfa: 351 - Sira: 3
Alicante - آليقنت
اسپانیانك جنوب شرقیسنده مرسیه خطه سنده ایالت مركزی بر شهردر، كه آق دكیز ساحلنده، - ْ٣٨ ً٤۰ َ٢۰ عرض شمالی ایله ً٢٢ َ٤٦ ْ٢ طول غربیده واقع اولوب، ٩٤١ ٣٤ اهالیسی واردر. شهر بر قویك ایچنده وبر كوچك اووه ده اولوب، اطرافی طاغلرله محاطدر. شهرك بر جهتنده ٢۰۰ متره ارتفاعی اولان دیك بر طاغ بولنوب، اوزرنده بر قلعه بولنیور. ریختم بوینجه بیوك و كوزل بر طاقم ابنیه سی وار ایسه ده، ایج طرفلرنده سوقاقلرك اكثریسی طار و اكری بوكریدر. هواسی غایت لطیف اولوب، قیشین درجه ٦ دن آشاغی نادراً اینر، ویازین دخی ٣۰ دن یوقاری چیقماز. تجارتی خیلی ایشلك اولوب، صنایع مختلفه یه مخصوص كار خانه لرله وبیوك بر توتون فابریقه سی واردر. سدلر وبندلرله اروا اولنان اووه لرینك محصولاتندن ومشهور بر نوع شرابدن كلیتلی اخراجات اولور. بو شهر اسكی رومالیلرك (لیقالتوم) دیدكلری شهرك عینی اولوب، هجرت نبویه نك ٩٧ تاریخنده غزاة مسلمیندن عبد العزیز بن موسی طرفندن فتح اولنمش؛ و حكومت اسلامیه زماننده خیلی توسع وترقی ایده رك، اندلسك اك مشهور شهرلری صره سنه چكمشیدی. مشاهیر فضلا وشعرای اسلامدن محمد بن عبد الحمیدك وطنیدر، كه اشعار لطیفه سیله ویازمش اولدیغی مكمل بر اندلس تاریخیله شهرت بولمشدر.
Kamusul Alam, Şemseddin Sami; Kamusul Alamde Alicante maddesi. osmanlıcada Alicante ne demek, Alicante anlamı manası, Alicante osmanlıca nasıl yazılır. Osmanlıca sözlükte Alicante hakkında bilgi. Arapça Alicante ne demek. Arapça osmanlıca sözlük. Farsçada Alicante anlamı
Kamusul Alamde - آليقنت Alicante maddesi. Şemseddin Sami, Kamusul Alam Ansiklopedisi