آلوته

Osmanlica ansiklopedi kamus alemde آلوته maddesi. Sayfa:347


Aloth - آلوته

یاخود آلت ویا اولت آوستریا ومجارستان دولتنك ترانسلوانیا یعنی اردل خطه سیله رومانیانك بر نهریدر. كه ترانسلوانیا ایله بغدان آره سنده اولان (قارپات) طاغلرندن نبعانله، ابتدا جنوبه طوغری آقوب، (ایلیا قالوه) شهرینه واصل اولنجه، بردن بره شماله و بعده شرقه ونهایت ینه جنوبه طوغری دونه رك، (روتمتورم) یعنی ((قزیل قله )) موقعنده قارپات سلسله سنی شق ایله رومانیایه بالدخول افلاقك منبت اووه لرینی اسقا، وصاغ وصولدن بر چوق چایلر اخذ ایتدكدن صكره، (نیكبولی) شهرینك قارشیسنده صولدن

طونه ایرماغنه دوكیلور. ترانسلوانیاده (فوغاراس) شهرینك ایچندن چكوب، اوراده (قرونستاد) ایله (هرمانستاد) نهرلرینی اخذ ایتدیكی كبی، افلاقده دخی (ریمنیق وولچیا) ایله (اسلاتینه) قصبه لرینك ایچندن چكر. مجراسی تقریباً ٤٢۰ كیلومتره طولنده اولوب، جریانی پك خیزلی اولدیغندن، سیر سفاىٔنه صالح دكلدر. صولرنده بعض آلتون ریزوه لری بولنیور.

Kamusul Alamde Aloth maddesi, آلوته osmanlica tarih ve cografya ansiklopedisi Aloth nedir anlami. hakkinda bilgi



4 11 18 25 32 39 46 53 60 67 74 81 88 95 102 109 116 123 130 137 144 151 158 165 172 179 186 193 200 207 214 221 228 235 242 249 256 263 270 277 284