Alabama ~ آلابامه
Kamus-ul'Alam - Alabama ~ آلابامه maddesi. Sayfa: 276 - Sira: 2
Alabama - آلابامه
ممالك مجتمعه ده بر نهردر، كه همنامی اولان جمهوریتك داخلنده نبعان ایدن (قوسه) و (تالاپوسه) نهرلرینك (مونتقومری) شهرینك ١۰ كیلومتره قدر یوقاریسنده واقع اولان اجتماعندن حاصل اولوب، شمال شرقیدن جنوب غربی یه طوغری آقار: ومنصبنه قریب محلده (تومبیكبی) نهرینی اخذ ایتدكدن صكره، (موبیله ریور) اسمنی آله رق، مكسیقه كورفزینك شمالنده (موبیله)
خلیجنه دوكیلور. مجراسی (قوسه) نهریله برابر ١٣۰۰ ویا ١٤۰۰ كیلومتره اولوب، سیر سفاىٔنه صالح اولان قسم اسفلی ده ٧۰۰ كیلومتره دن زیاده در. یانلرندن ویا ایچلرندن چكدیكی شهرلرك باشلیجه لری (مونتقومری) ایله (سلما) در. ایچنده خیلی بیوك كمیلر دخی ایشایوب، پاموق وساىٔر محصولات محلیه یی اخراج ایدرلر. بو نهرك حوضه سی ۰۰۰ ١۰۰ مربع كیلومتره دن زیاده اولوب، ثانیه ده دكیزه دوكدیكی صو ١٣۰۰ مكعب متره دن آشاغی دكلدر. حوضه سنده چوق یاغوب، سنوی ١٢٥ ، وبعض محللرده ١٥٧٥ میلیمتره یاغدیغی تحقیق اولنمشدر.
Kamusul Alam, Şemseddin Sami; Kamusul Alamde Alabama maddesi. osmanlıcada Alabama ne demek, Alabama anlamı manası, Alabama osmanlıca nasıl yazılır. Osmanlıca sözlükte Alabama hakkında bilgi. Arapça Alabama ne demek. Arapça osmanlıca sözlük. Farsçada Alabama anlamı
Kamusul Alamde - آلابامه Alabama maddesi. Şemseddin Sami, Kamusul Alam Ansiklopedisi