Akkerman ~ آق كرمان
Kamus-ul'Alam - Akkerman ~ آق كرمان maddesi. Sayfa: 269 - Sira: 2
Akkerman - آق كرمان
روسجه ((آق شهر)) معناسنه اوله رق، (بیالو غورودوق) دینلیر، و اسم قدیمی (آلبا پولیا) در. روسیه نك جنوب غربیسنده قره دكیز ساحلنده، (بسارابیا) قطعه سنده قضا مركزی بر شهر اولوب، (دنیستر) نهرینك منصب اولدیغی (بیوك لیمان) نام كورفزك ساحل غربیسنده، نهر مذكورك منصبندن ١٤ كیلومتره لك مسافه ده،
بسارابیانك مركزی اولان (كشنف) شهرینك ١٧٥ كیلومتره جنوب شرقیسنده وهوجه بكك ٤٥ كیلومتره جنوب غربیسنده واقعدر. شهر خندقله محاط اولوب، مستحكم بر قلعه سی واردر. اهالیسی ٤٥٥٩٨ نفوسدن عبارت اولوب، روس، روم ارمنی ویهودیدن مركبدر. بیوك بر تجارتكاه اولوب، صنایع محلیه سی خیلی ایلریلمشدر، وپیشكاهنده چوق بالیق صید اولنور. بو شهر ٨٨٩ تاریخ هجریسنده سلطان بایزید ثانی حضرتلری طرفندن فتح اولنوب، خیلی وقت ممالك عثمانیه داىٔره سی داخلنده بولنمشدر. ١٨٢٦ تاریخ میلادیسنده بوشهرده دولت عثمانیه ایله روسیه آره سنده بر معاهده عقد اولنه رق، روسیه یه قره دكیزده سفاىٔن بولندیرمق حقنی قزاندیرمشیدی.
Kamusul Alam, Şemseddin Sami; Kamusul Alamde Akkerman maddesi. osmanlıcada Akkerman ne demek, Akkerman anlamı manası, Akkerman osmanlıca nasıl yazılır. Osmanlıca sözlükte Akkerman hakkında bilgi. Arapça Akkerman ne demek. Arapça osmanlıca sözlük. Farsçada Akkerman anlamı
Kamusul Alamde - آق كرمان Akkerman maddesi. Şemseddin Sami, Kamusul Alam Ansiklopedisi