Agram ~ آغرام
Kamus-ul'Alam - Agram ~ آغرام maddesi. Sayfa: 227 - Sira: 5
Agram - آغرام
واسلاوجه زاغراب آوستریا ومجارستان دولتنك خرواتستان قطعه سنده قطعۀ مذكوره نك مركزی اولان بر شهر اولوب، (صاوه) نهرینك یاریم
ساعت قدر شمالنده، ویانه نك ٣٨۰ كیلومتره جنوبنده وتریسته نك ٢٨۰ كیلومتره شرقنده واقع و ٢۰۰۰۰ اهالی یی جامعدر. شهر ((زیر)) و ((بالا)) اسملریله ایكی یه منقسم اولوب، بالاسی (مدرد) یعنی ((آیی)) دنیلن برتپه اوزرنده مؤسس وكبار واغنیایه مخصوص اولمغله، اولری كوزل وسوقاقلری واسع وتمیز وآغاجلر وباغچه لرله مزیندر؛ آشاغی محله سی ایسه پیس وسوقاقلری طاردر. اك كوزل ابنیه سی حكومت قوناغیله بلدیه داىٔره سی وپسقپوسخانه ایله مجلس معارف داىٔره سیدر. مكتبلری وساىٔر مؤسسات علمیه سی پ چوق ومكمل اولوب، پراغه شهری آوستریانك شمالی اسلاولرینك مركزی اولدیغی كبی، بوده جنوبی اسلاولرینك مركزیدر. خروات جنسنك تاریخ وادبیاتنه مخصوص بر قاچ جمعیت علمیه سی اولدیغی كبی، برزراعت جمعیتی ومكمل بر كتبخانه سی دخی واردر. (فیومه) دن صكره آوستریاده اك چوق فابریقه لی شهر اولوب، سنه ده ٦ دفعه پنایر دخی قورلدیغندن، بر بیوك تجارت مركزیدر. _ مركزی بولندیغی قومیتاته یعنی سنجاق خرواتستانك مركب بولندیغی اوچ سنجاغك بری اولوب، مساحۀ سطحیه سی ٤٥٨٢ مربع كیلومتره، واهالیسی ١٦١۰۰۰ كشیدر.
Kamusul Alam, Şemseddin Sami; Kamusul Alamde Agram maddesi. osmanlıcada Agram ne demek, Agram anlamı manası, Agram osmanlıca nasıl yazılır. Osmanlıca sözlükte Agram hakkında bilgi. Arapça Agram ne demek. Arapça osmanlıca sözlük. Farsçada Agram anlamı
Kamusul Alamde - آغرام Agram maddesi. Şemseddin Sami, Kamusul Alam Ansiklopedisi