Ağa Memnun ~ آغا ممنون
Kamus-ul'Alam - Ağa Memnun ~ آغا ممنون maddesi. Sayfa: 226 - Sira: 5
Ağa Memnun - آغا ممنون
میلاددن اون بر اون ایكی عصر اول موره شبه جزیره سنده آرغوس شهرینك حكمداری اولوب، عموم یونان حكمدارلری (تروآ) سفرینه كیتدكلری وقت، بونی رىٔیس وباش قوماندان انتخاب ایتمشلردی. آغریبوزك قارشیسنده یونان سفاىٔننك محل ملاقاتی اولان (آولیس) شهری اوكنده دوننما بر مخالف روزكاره تصادف ایتمكله، آغا ممنونك كندی قیزی (افیجیا) یی قربان ایتمش اولدیغی مرویدر. تروآ شهری اوكنده اثنای محاربه ده آخیلاوسك اسیر ایتمش اولدیغی (بریزایس) اسمنده بر قیزی آغاممنون ضبط ایتمكله، بوندن طولایی حاصل اولان نفاق ینه آغاممنونك مذكوره یی آخیلاوسه اعاده ایتمسیله ختام بولمشیدی. آغاممنون وطننه عودتنده، (اجیست) اسمنده بر ینی سومش اولان قاریسی (قلیتمستره) طرفندن قتل اولنمش؛ ومؤخراً اوغلی (اورست) والده سنك دوستنی اولدیرمكله پدرینك انتقامنی آلمش. بو وقعه یونان قدیم مشاهیر شعراسندن (اسكیل) طرفندن فاجعه صورتنده نظم اولنمش، واوروپا شعراسنك بر چوغی دخی بونی فاجعه لرینه منبی علیه اتخاذ ایتمشلردر.
Kamusul Alam, Şemseddin Sami; Kamusul Alamde Ağa Memnun maddesi. osmanlıcada Ağa Memnun ne demek, Ağa Memnun anlamı manası, Ağa Memnun osmanlıca nasıl yazılır. Osmanlıca sözlükte Ağa Memnun hakkında bilgi. Arapça Ağa Memnun ne demek. Arapça osmanlıca sözlük. Farsçada Ağa Memnun anlamı
Kamusul Alamde - آغا ممنون Ağa Memnun maddesi. Şemseddin Sami, Kamusul Alam Ansiklopedisi