Atranus ~ آطرانوس
Kamus-ul'Alam - Atranus ~ آطرانوس maddesi. Sayfa: 213 - Sira: 8
Atranus - آطرانوس
خداوندكار ولایتنده بروسه سنجاغنه ملحق بر قضادر، كه كشیش طاغنك جنوبنده واقع اولوب، (ادرناس) ویا (آطرانوس) نهری وادیسنك آلت طرفندن عبارت، وشمالاً نفس بروسه، شرقاً خرمنجق، جنوباً سنجان، غرباً دخی كرماستی قضالریله محدود ومحاطدر. مساحۀ سطحیه سی ٦٣۰۰ مربع كیلومتره، واهالیسی ٢٢۰٣٧ نفوس اولوب، همان جمله سی اهل اسلامدر. قضاسی ١۰٧ قریه دن مركب اولوب، ١۰١ جامع و ١۰٨ مكتبی دخی واردر. مركز ولایتدن مركز قضایه قدر ایكی طریق اولوب، طاغ طریقیله ١۰ ساعتده كیدیلیر ایسه ده، یول صرپ اولوب، یالكز استرله كیدیله بیلیر؛ دره بویندن كیدن طریقله ایسه ١٢ ساعتده واریلیر، وآنجق بونك ده (قپوقیا) دنیلن بر بچق ساعتلق قدر محلی صرپ وصعب المروردر. قضانك اكثر محللری طالغق ایسه ده، دره وبایرلرده خیلی منبت یرلری دخی اولوب، حبوبات متنوعه، آفیون، اوزوم، پلاموت وپاموق كبی محصولاتی واریك والما كبی میوه لری واردر. قضانك شرق طرفلرنده تخمیناً ٩۰۰٢۰۰ دونم وسعتنده اورمانلر بولنوب، چام، كوركن ومیشه آغاجلری چوق اولمغله، اهالینك باشلیجه صنعتی كراسته جیلك اولوب، اكثریا نهر واسطه سیله مرمره یه قدر كراسته ایندیررلر، وداخل قضاده بولنان بش خزارده تخته یاروب، بروسه یه، ومرمره ساحلنده كی روم ایلی قصبه لریله استانبوله نقل وفروخت ایدرلر. قضانك ساىٔر طرفلرنده دخی اورمانلر چوقدر. اهالی كندی احتیاجلرینه كوره ال دستكاهلریله شیاق وعبا دخی نسخ ایدرلر. قضانك شمال شرقی طرفنده ایكی محلده كلیتلی قروم معدنی بولنوب، بر مقداری صاحب امتیاز طرفندن نقل واخراج اولنمقده در. كوكوردلی معدن صولری ونافع ایلیجه لری دخی واردر. مركزی نهرك ساحل یسارنده بولنان (بكجه) قصبه سیدر. (اورخان كبیر) و (مظلوملر) قریه لرنده برر مدرسه بولندیغی كبی، (قران ایشقلر) قریه سی جوارنده شاهین بابانك، دده قریه سنده شیخ سلام الدین بابانك و(سمرجی) قریه سی
(تل) دنیلن وساحله قدر اوزانان غایت كوزل ومنبت طاقم بایرلرله، وجنوباً صرپ اوچوروملر ویا قورو وغیر منبت بایرلرله تدریجاً تدنی ایدیور. آطلاس سلسله سنك بر اوجدن بر اوجه طولی تقریباً ٢٣۰۰ كیلومتره اولوب، بونك ١١۰۰ كیلومتره لكن فاس ومراكش دولتنده، ٩۰۰ كیلومتره لكی جزایرده و ٣۰۰ كیلومتره لكن دخی تونسده در. علم الارض نقطۀ نظرندن باقیلیرسه، بو سلسله تحت البحر سیچلیا طاغلریله ومسینه بوغازندن ایتالیانك (آپنینه) سلسله سیله مربوط اولوب، (آلپ) طاغلرینه منسوبدر. آفریقانك شمال غربی طرفنه یعنی فاس، جزایر وتونسه اوروپانك اقطار جنوبیه سی هوا ومحصولاتنی قزاندیره رق، ممالك مذكوره یی آفریقانك ساىٔر طرفلرندن هر وجهله تفریق ایدن آطلاس جبالیدر. آطلاس سلسله سنك اك مرتفع محللری فاس ومراكش مملكنده كاىٔن وسط وغرب طرفلرنده اولوب، اورالرده داىٔمی صورتده قارله مستور اولان بعض ذروه لری ٣٥۰۰ وبلكه ٤۰۰۰ متره ارتفاعنده تخمین اولنمقده در. جزایرده كی ذروه لرینك اك یوكسكی اولان (شلیه) ذروه سی ایسه آنجق ٢٣٢٨ متره ارتفاعنده در. بو سلسله صیرتنك ساحلدن اك زیاده تبعد ایتدیكی محل دخی فاس مملكتیدر. بو سلسلۀ جبالدن شماله طوغری آقان نهرلردن وادیٔ سوسه، تسفت، ام الربیعه، ابو رقرق و (سبو) نهرلری بحر محیط اطلاسی یه، ومولویه، تفنه، صبره، شلیف، ایسر، ساجل، وادىٔ كبیر، سیبوسه ومجرده نهرلری دخی آق دكیزه دوكیلور؛ جنوبه طوغری آقانلردن ایسه یالكز وادیٔ نون ایله ذرعه نهرلری بحر محیط آطلاسی یه قدر واصل اوله بیلوب، دیكرلری چوللرك قوملرنده قورور، ویاخود بر طاقم طوزلی كوللره منتهی اولورلر، كه بونلرك اك بیوكلری مراكشده (وادیٔ زیر)، (كیراو)، (صعوره)، وجزایرده (وادیٔ جدی) در. آطلاسی اسمی اسكی یونانیلر عندنده مستعمل اولوب، یرلیلر بو اسمی بیلمیورلر، وكرك بو كون ممالك مغربیۀ مذكوره ده وكرك قرون سالفه ده یازلمش جغرافیون عرب آثارنده بو سلسله (درن) یاخود (درنه) اسمیله معروفدر. بربر لساننده (درن) و (ادرار) یاخود
جوارنده اوركیدن بابانك زیارتكاه انام اولان مرقد شریفلری بولنیور.
Kamusul Alam, Şemseddin Sami; Kamusul Alamde Atranus maddesi. osmanlıcada Atranus ne demek, Atranus anlamı manası, Atranus osmanlıca nasıl yazılır. Osmanlıca sözlükte Atranus hakkında bilgi. Arapça Atranus ne demek. Arapça osmanlıca sözlük. Farsçada Atranus anlamı
Kamusul Alamde - آطرانوس Atranus maddesi. Şemseddin Sami, Kamusul Alam Ansiklopedisi