Arrien ~ آريانوس
Kamus-ul'Alam - Arrien ~ آريانوس maddesi. Sayfa: 169 - Sira: 3
Arrien - آريانوس
یونان قدیم مور خلرندن اولوب، میلادك ١۰٥ تاریخنده (نیقومیدیا) یعنی ازمید شهرنده طوغمش، و (اكسنوفون) ە پیرو اوله رق، هم فیلسوف هم قوماندان وهم ده ادارۀ دولت مأموری اولمشیدی. فلسفه یی (اپیقنیت) دن تعلیم ایتدكدن صكره، (آدریان) ك معیتنه حربه كیدوب، ابراز شجاعت ایتمكله، روما شهریسی عنواننی احراز ایله برابر، ١٣٤ تاریخنده آناطولیده كی (قپادوكیا) والیلكنه تعیین اولنمشیدی. اوراده دخی (آلان) لرك واقع اولان مهاجماتنه غالبانه قارشی طورمغله، قونسلوسلق مسندینه ترفیع اولنمشدی. كندیسی اك محقق محررلردن اولوب، اسكندرك آسیایه واقع مشهور سفرینی غایت بیطرفانه ومدققانه یازمش اولدیغی كبی، بر (( بحر سیاه سیاحتنامه سی))، بر (( تعبیة الجیش كتابی)) ، ((آلانلره قارشی اولان محاربه نك اصولی)) نامیله بر كتاب بر ((آو رساله سی))، ((اشارات)) اسمیله بر اثر ومعلمنك افكار مسلكنی مبین ((اپیقتیتك مكالمه لری)) نامیله بر تألیف براقمشدر. دیكر بر چوق كتابلر دها یازمش ایسه ده، نسخه لری بولنه مامشدر. آثار مو-
جوده سی وعلی الخصوص اسكندرك سفرنامه سی دفعاتله طبع، واوروپا لسانلرینه ترجمه اولنمشدر.
Kamusul Alam, Şemseddin Sami; Kamusul Alamde Arrien maddesi. osmanlıcada Arrien ne demek, Arrien anlamı manası, Arrien osmanlıca nasıl yazılır. Osmanlıca sözlükte Arrien hakkında bilgi. Arapça Arrien ne demek. Arapça osmanlıca sözlük. Farsçada Arrien anlamı
Kamusul Alamde - آريانوس Arrien maddesi. Şemseddin Sami, Kamusul Alam Ansiklopedisi