Aretin ~ آرتن
Kamus-ul'Alam - Aretin ~ آرتن maddesi. Sayfa: 90 - Sira: 10
Aretin - آرتن
ایتالیا شعراسندن اولوب، میلادك ١٤٩٢ تاریخنده (آرچو) شهرنده طوغمشدر. شهر مذكور كبارندن برینك ولد غیرمشروعی ایدی. بعض هجریه لرندن طولایی وطنندن طرد اولنه رق، (پروسه) شهرینه كیدوب، بروقت مجلدلكه یاشادقدن صكره، رومایه كیده رك، اوننجی (لیون) و یدنجی (قلمان) نام پاپالر طرفندن بعض معتنا مأموریتلرده قوللانلمش ایسه ده، هجودن وازچكه مدیكیچون، اورادن دخی طرد اولنه رق، میلانه كیدوب، (ژان مدیچیس) ە التجا ایتمش؛ و ١٥٢٦ تاریخنده، بوپرنسك وفاتی اوزرینه، وندیكه كیدوب، كندی قلمنك ثمره سیله یاشامغه باشلامش. وقتنك حكمدار وپرنسلرینی هجر ایتمكدن كری طورمدیغندن، اكثریسی كندیسنی آغیر هدیه لرله تلطیفه مجبور او-
لورلردیسه ده، بعضیسی ده طیاقله هجودن واز چكیرمك یولنی دها مناسب عد ایدرلردی. هجویات مستهجنه سی چوق اولوب، غراىٔبدن اوله رق، اموز مذهیبه یه متعلق بعض اثرلری دخی واردر. ١٥٥٤ تاریخنده وندیكده چوق كولمه دن اولمشدر. _ ایتالیانك مذكور (آرچو) شهرنده دیكر بر قاچ كشی، وباویره ده دخی بر عاىٔله بو نامله تسمیه اولنمشلردر.
Kamusul Alam, Şemseddin Sami; Kamusul Alamde Aretin maddesi. osmanlıcada Aretin ne demek, Aretin anlamı manası, Aretin osmanlıca nasıl yazılır. Osmanlıca sözlükte Aretin hakkında bilgi. Arapça Aretin ne demek. Arapça osmanlıca sözlük. Farsçada Aretin anlamı
Kamusul Alamde - آرتن Aretin maddesi. Şemseddin Sami, Kamusul Alam Ansiklopedisi