آرتميسه

Osmanlica ansiklopedi kamus alemde آرتميسه maddesi. Sayfa:90


Artemise - آرتميسه

آناطولینك ساحل غربیسنده واقع اولوب، الیوم (بودروم) دنیلن (آلیقارناسه) ویا (هالیقارناسه) شهر قدیمنك ایكی ملكه سی اولوب، برنجیسی میلاددن ٤٨۰ سنه اول یونانه سوق عسكر ایدن ایران حكمدارینك معیتنده یونان محاربه سنه كیدوب، سالامینه (یعنی اكینه) آطه سنده فوق العاده جسارت كوسترمش؛ ومؤخراً قارشیلغنی كورمدیكی بر عشق ومحبتدن طولایی، كندینی بر قلعه دیوارندن آتوب تلف اولمشدر. _ ایكنجیسی كندی برادری (ماوسول) ە واروب، بو كا اولان عشق ومحبتنك افراطیله مشهوردر. برادری وزوجی ومعشوق اولان مرقوم (ماوسول) كنج یاشنده وفات ایتمكله، آرتمیسه بوكا (آلیقارناسه) ده فوق العاده مزین بر تربه یاپدیرمش،‌ كه بو تربه عجایب سبعه صره سنه چكمشدر. بو تربه نك بعض انقاضی ١٨٥٥ تاریخ میلادیسنده بودرومده بولنوب، انكلتره موزه خانه سنه نقل اولنمشدر.

Kamusul Alamde Artemise maddesi, آرتميسه osmanlica tarih ve cografya ansiklopedisi Artemise nedir anlami. hakkinda bilgi



2 9 16 23 30 37 44 51 58 65 72 79 86 93 100 107 114 121 128 135 142 149 156 163 170 177 184 191 198 205 212 219 226 233 240 247 254 261 268 275 282