Ebul Fazl ~ ابو الفضل
Kamus-ul'Alam - Ebul Fazl ~ ابو الفضل maddesi. Sayfa: 751 - Sira: 8
Ebul Fazl - ابو الفضل
(شیخ _ بن شیخ مبارك ناكری) هندستانك اعاظم ملوكندن مشهور اكبر شاهك وزیر و كاتبی اولوب، غایت عالم و عاقل و كاتب و شاعر بر ذات ایدی. شعرده (علامی) تخلص ایدر ایدی. اكبر شاهك تاریخنی ((اكبر نامه)) عنوانیله مكمل و مفصل صورتده یازمش اولدیغی كبی، هندستانك احوال جغرافیه و سیاسیه سیله استاتستیق و ساىٔره یه متعلق معلومات مكمله یی جامع ((آیین اكبری)) عنوانیله بر بیوك كتاب دخی یازمشدر. فارسی العباره اولان بو ایكی اثر قیمتداری هندستانجه فوق العاده مقبول و معتبر اولوب، دفعاتله طبع و نشر اولندقلری كبی، انكلیزجه یه وساىٔر اوروپا لسانلرینه دخی ترجمه اولنمشلردر. هند قدیم حكماسندن (پیلپای) ك بعض امثمالنی دخی ((عیار دانش)) عنوانیله فارسی یه ترجمه ایتمشدر. ((مكتوبات علامی)) عنوانیله حمع و تدوین ایدلمش اولان منشآتی ایسه هندستانده بین الكتاب نمونه حكمنه كچمشدر. صاحب ترجمه ٩٥٨ تاریخ هجریسنده طوغوب، ١۰١١ تاریخنده، اكبر شاهك وفاتندن ایكی سنه اول، حكمدار مشارالیهك اوغلی طرفندن قتل اولنمشدر.
Kamusul Alam, Şemseddin Sami; Kamusul Alamde Ebul Fazl maddesi. osmanlıcada Ebul Fazl ne demek, Ebul Fazl anlamı manası, Ebul Fazl osmanlıca nasıl yazılır. Osmanlıca sözlükte Ebul Fazl hakkında bilgi. Arapça Ebul Fazl ne demek. Arapça osmanlıca sözlük. Farsçada Ebul Fazl anlamı
Kamusul Alamde - ابو الفضل Ebul Fazl maddesi. Şemseddin Sami, Kamusul Alam Ansiklopedisi