Ebul Fida ~ ابو الفداء
Kamus-ul'Alam - Ebul Fida ~ ابو الفداء maddesi. Sayfa: 748 - Sira: 4
Ebul Fida - ابو الفداء
(ملك مؤید عماد الدین اسماعیل بن ملك افضل علی ابن كثیر) حماده حكومت سورن ملوك ایوبیه دن اولوب، شجاعت و جسارت و درایتله متصف و اكثر علومده و علی الخصوص هیىٔت و جغرافیا و تاریخ وطب وساىٔره ده ید طولی صاحبی ایدی. خاندانی مغوللرك شرندن حمایه ترك ایله، دمشقه چكلمش اولدیغندن، كندیسی ٦٧٢ تاریخنده شهر مذكورده طوغمش ایدی. ملك ناصره مغوللر له واقع اولان محارباتنده پك چوق معاونت و خدمتی سبقت ایتدیكندن، ملك مشارالیه اجدادینه مخصوص بولنمش اولان حماملكنی صاحب ترجمه یه وعد و بو و عدینی ایفا، و كندیسنه (ملك صالح) عنواننی اعطا ایتمشیدی. مؤخراً (ملك مؤید) لقبنی آلمشدر. ابو الفداء هر سنه مصره كیدوب، متبوعی اولان حكمدار ایوبی یه پك چوق هدیه لر كوتورمكی عادت ایدنمش ایدی. ارباب علم و هنری حمایه ایدوب، بعض مشاهیر علمایه شعرا پك چوق احسانلرینه ناىٔل اولمشلر ایدی. ٧٣٢ تاریخنده وفات ایتمشدر. ((المختصر فی تاریخ البشر)) عنوانیله غایت صحت وتدقیقله یازلمش ٤ جلددن مركب بر تاریخی واردر، كه ((تاریخ ابی الفدا)) اسمیله مشهور اولوب، اصل عربیسی دفعاتله و ١٢٨٦ تاریخنده مطبعۀ عامره ده دخی طبع و نشر، و اكثر آوروپا لسانلرینه ترجمه اولنمشدر. ((تقویم البلدان)) عنوانیله ینه مختصر و لكن زیاده مقبول و معتبر بر جغرافیاسی دخی واردر، كه متن عربیسی آوروپا و هندستانده دفعاتله نشر اولندیغی كبی، آوروپا لسانلرینك اكثرینه دخی ترجمه اولنمشدر. بونلردن ماعدا فقهه داىٔر ((الحاوی)) عنوانیله مكمل بر تألیفی، طبه داىٔر بر قاچ جلددن مركب ((الكناش)) عنوانلی بر
اثری ((كتاب الموازین)) عنوانیله بر مختصری واردر. استانبولده یكی تأسیس اولنان (كتبخانۀ عمومی) ده صاحب ترجمه نك نامنه ((الطریق الرشاد الی تعریف الممالك و البلاد)) عنوانیله حروف هجا ترتیبنجه مرتب مختصر و كوزل بر كتاب موجود ایسه ده، ابو الفدانك بو نامله بر اثری اولدیغنه داىٔر بر یرده صراحت بوله مدق. حدیثه متعلق ((جامع المسانید)) عنوانلی بر كتابك دخی صاحبی (عماد الدین اسمعیل ابن كثیر دمشقی) اولدیغی ((كشف الظنون)) ده محرر ایسه ده، كاتب چلبی بونك ٧٧٢ تاریخنده وفات ایتمش اولدیغنی بیان ایتدیكندن، بو كتابك دخی ابو الفدا بونلردن بشقه بعض رساىٔل فنیه و نافعه یازمش ایسه ده، نسخه لری بولنه مامشدر. اشعاری دخی غایت كوزل اولوب، شو بر ایكی بیت او جمله دندر : او قعنی العمر فی لعل و هل یا ویح من عمره مضی بلعل و الشیب و ا فی و عنده نزلا و فرمنه الشباب و ارتحلا ما اوقع الشیب الآتی اذا حل لا عن مرضاتی
Kamusul Alam, Şemseddin Sami; Kamusul Alamde Ebul Fida maddesi. osmanlıcada Ebul Fida ne demek, Ebul Fida anlamı manası, Ebul Fida osmanlıca nasıl yazılır. Osmanlıca sözlükte Ebul Fida hakkında bilgi. Arapça Ebul Fida ne demek. Arapça osmanlıca sözlük. Farsçada Ebul Fida anlamı
Kamusul Alamde - ابو الفداء Ebul Fida maddesi. Şemseddin Sami, Kamusul Alam Ansiklopedisi