İbnil Müstevfi ~ ابن المستوفی
Kamus-ul'Alam - İbnil Müstevfi ~ ابن المستوفی maddesi. Sayfa: 666 - Sira: 6
İbnil Müstevfi - ابن المستوفی
(شرف الدین ابو البركات مبارك بن احمد اربلی) مشا-
هیر علمادن اولوب، ادبیات و حدیث و تاریخده ید طولی صاحبی ایدی. ٥٦٤ تاریخنده اربلده طوغوب، اوراده نشأت ایتمش؛ و علم دیوانده یعنی اصول اداره و كتابت رسمیه ده ماهر اولمغله، اربل صاحبی ملك معظم مظفر الدینه انتساب ایده ك، ٦٢٩ تاریخنده مشارالیهك وزیری اولمشیدی. بعده مظفرالدینك وفاتی و خلیفه مستنصرك اربلی ضبط ایتمسی اوزرینه، صاحب ترجمه اوینه چكیلوب، اختیار عزلت ایتمش؛ و ٦٤٣ ده مغوللرك هجومتده اربل قلعه سنده قپانوب مقاومت ایدنلردن اولمغله، قلعۀ مذكوره نك مغوللرك الینه دوشمسی اوزرینه، موصله كیدوب، بقیۀ عمرینی اوراده چكیرمش؛ و ٦٣٧ ده وفات ایتمشدر. ٤ جلد اوزره بر اربل تاریخی ایله ١۰ جلد اوزره متنبی و ابو تمام اشعارینك بر شرحنی یازمشدر. مرتب دیوان اشعاری و ساىٔر بعض آثاری دخی واردر. شو قطعه جملۀ اشعار راىٔقه سندندر : یالیلة حتی الصباح سهرتها قابلت فیها بدرها باخیه سمع الزمان بها فكانت لیلة عذب العتاب بها المجتذبیهه
Kamusul Alam, Şemseddin Sami; Kamusul Alamde İbnil Müstevfi maddesi. osmanlıcada İbnil Müstevfi ne demek, İbnil Müstevfi anlamı manası, İbnil Müstevfi osmanlıca nasıl yazılır. Osmanlıca sözlükte İbnil Müstevfi hakkında bilgi. Arapça İbnil Müstevfi ne demek. Arapça osmanlıca sözlük. Farsçada İbnil Müstevfi anlamı
Kamusul Alamde - ابن المستوفی İbnil Müstevfi maddesi. Şemseddin Sami, Kamusul Alam Ansiklopedisi