İbni L Lebüdi - ابن اللبودی

(صاحب نجم الدین ابو ذكریا یحیی بن شمس الدین) آنف الترجمه نك اوغلی اولوب، طب و حكمت وساىٔر علوم و فنونده پدرینی كچدیكی كبی، شعر و ادبیاتده دخی مهارت تامه سی وار ایدی. حلبده طوغوب، صبی اولدیغی حالده، پدریله برابر دمشقه كیتمش؛ و اوراده تحصیل علوم و فنون ایله، طبده تفرد و تمیز ایتدكدن صكره، ملك منصور ابراهیم بن شیر كوهه انتسابله، طبیی اولمش؛ و ٦٤٣ تاریخنده ملك مشارالیهك وفاتی اوزرینه، مصره عزیمتله، ملك صالح نجم الدین ایوبی یه انتساب ایتمش؛ و مشارالیه طرفندن حسن قبول كوروب، اسكندریه ده دیوان نظارتنه تعیین اولنمش؛

وبر مدت صكره ینه بومأموریتله شامه نقل اولنمشیدی. غایت فصیح و بلیغ منشآتی و اشعار راىٔقه سی واردر. تألیفات معروفه سی بروجه آتیدر : ((مختصر الكلیات من كتاب القانون لابن سینا))، ((مختصر كتاب المساىٔل لحنین بن اسحاق))، ((مختصر كتاب الاشارات و التنبیهات لابن سینا)) ، ((مختصر كتاب عیون الحمكمة لا بن سینا)) ، ((مختصر كتاب الملخص للرازی))، ((مختصر كتاب المعاملین فی لاصولین))، ((مختصر كتاب اقلیدس))، ((مختصر مصادرات اقلیدس))، ((كتاب اللمعات فی الحمكمة))، (( آفاق الاشراق فی الحكمكمة))، ((المناهج القدسیة فی العلوم الحكمكمیة))، ((كافیة الحساب فی علم الحساب))، ((غایة الغایات فی المحتاج الیه من اقلیدس و المتوسطات))، ((تدقیق المباحث الطبیة فی تحقیق المساىٔل الخلافیة))، ((مقالة فی البرشعثا))، ((ایضاح الرأی السخیف من كلام الموفق عبداللطیف))، ((غایة الاحكام فی صناعة الاحكام))، ((الرسالة السنیة فی شرح المقدمة المطرزیة))، ((الانوارالساطعات فی شرح الآیات البینات))، ((نزهة الناظر فی المثل الساىٔر))، ((الرسالة الكامله فی علم الجبر و المقابله))، ((الرسالة المنصوریه فی الاعداد الوفقیه))، ((الزاهی فی اختیار الزیج الشاهی))، ((الزیج المقرب المبنی علىء الرصد المجرب)).