İbni l Kelbi - ابن الكلبی

(ابو المنذر هشام بن محمد) مشاهیر نسابیندن اولوب، علم انسابده ید طولی صاحبی ایدی. بو علمده ((الجمهره)) عنوانیله غایتله مقبول و مشهور بر تألیفی اولدیغی كبی، تصنیفات ساىٔره سی دخی چوق اولوب، باشلیجه لری شونلردر : ((حلف عبدالمطلب و خزاعه))، ((حلف

الفضول))، ((حلف تمیم و كلب))، ((كتاب المنافرات))، ((یوتات القریش))، ((فضاىٔل قیس عیلان))، ((كتاب الموردات))، ((بیوتات ربیعه))، ((كتاب الكنی))، ((شرف القصی و ولده فی الجاهلیة و الاسلام))، ((القاب قریش))، ((القاب الیمن))، ((كتاب المثالب))، ((كتاب النوافل))، ((كتاب ادعا معاویة زیاداً))، ((اخبار زیاد بن ابیه))، ((صناىٔع قریش))، ((كتاب المشاجرات))، ((كتاب المعاتبات))، ((كتاب ملوك الطواىٔف))، ((كتاب ملوك كنده))، ((كتاب افتراق ولد نزار))، ((كتاب تفریق الازد))، ((كتاب طسم و جدیس)) وساىٔره، مجموع تألیفاتی ١٥۰ عدددن زیاده اولوب، اك مشهورلری علم انسابده مثلی اولمیان مذكور ((جمهره)) ایله ینه انسابه داىٔر ((المنزل)) و ((الموجز)) عنوانلی اثرلری و مأمون خلیفه نك نامنه یازمش اولدیغی ((الفرید)) ایله جعفر بر مكینك نامنه تألیف ایتدیكی ((الكتاب الملوكی)) عنوانلی كتابلریدر، كه جمله سی انسابه داىٔره در. ٢۰٤ تاریخنده وفات ایتمشدر.