İbni Ibad - ابن عباد

(معتمد علی الله ابو القاسم بن معتضد بالله) اندلس طواىٔف ملوكنك اك بیوكی اولوب، قرطبه و اشبیلیه ایله جوارلرنده حكمفرما ایدی. ٤٣١ تاریخنده اندلسك (باجه) شهرنده طوغوب، پدرینك وفاتنده تخته اوتورمشدر. قشتاله حكمداری اذفونش (یعغی آلفونس) ممالكنه تعرض ایتمكله، مراكش صاحبی یوسف بن تاشفیندن استمداد ایتمش؛ و مشارالیه اندلسه چكوب، مرقوم آلفونسك عسكرینی مغلوب ایتمش، و مشهور (زلاقه) مظفریتیله اندلس اهل اسلامنك یوزینی آغرتمشیدی. آنجق اندلسك محسنات طبیعیه سی یوسف بن تاشفینك نظر دقتنی جلب ایتمكله، بو قطعه نك ضبطی هو سنه دوشه رك، مؤخراً عسكر سوقیله صاحب ترجمه نك ملكنی ضبط ایتمش؛ و اثنای محاربه ده ابن عبادك ایكی اغلی قتل اولندیغی كبی، كندیسی دخی اسیر طوتیله رق، آفریقایه كچیرلمش؛ و (اغمات) شهرنده حبس اولنه رق، وفاتنه قدر زندانده و آغرزنجیرلر آلتنده قالمش؛ و ٤٨٨ ده وفات ایتمشدر. كندیسی كریم و سخی و علو همت صاحبی بر حكمدار اولوب، علما و ادبانك حامیسی بولنمش ایكن، محبوسیتی زماننده ایكی قیزی اغمات سوقاقلرنده شرقیلر سویلیه رك پاره دیلنمك درجه سنه كلمشلردی. لطف دیده لری اولان شعرانك صاحب ترجمه نك بو حال یأس اشتمال حقنده پك دلخراش قصیده لری واردر. كندیسی ادیب بر ذات اولمغله، اشعار راىٔقه سی مشهوردر. بر كون محبسده بر قاچ شاعر طوپلانوب،

حقنده سویلدكلری قصیده لریچون جاىٔزه آلمق امیدنده بولندقلرینی كورنجه، شو قطعه ایله جواب ویرمش؛ سألوا الیسیر من الاسیر وانه بسؤ الهم لاحق منهم فاعجب لولا الحیاء و عزة لخمیة طی الخشاء الحكاهم فی المطلب