İbni Tahir - ابن طاهر

(ابو العباس عبدالله _ خزاعی) دولت عباسیه نك اكابر رجالندن اولان طاهرك اوغلی اولوب، مأمون خلیفه نزدنده پك بیوك قدر و اعتباری وار ایدی. نصر بن شبشه قارشی اولان محاربه ده پدرینه و كالةً رقه قوماندانلغنده بولندقدن صكره، خلیفه طرفندن بغداد شرطه سی و الیلكنه، و ٢۰٥ تاریخنده، مرقوم نصر بن شبثك حقندن كلمك مأموریتی انضمامیله، مصر والیكنه نصب اولنمشیدی. عاصیْ مرقومی طوتوب بغداده كوندرسكه موفق اولدیغندن، داىٔرۀ اقتداری توسیع اولنه رق، شام و جزیره نك اداره سی دخی عهده سنه تفویض اولنمش؛ و ٢١٣ ده انفصال ایله، بغداده عودتنده خراسان و الیلكنه تعیین اولنه رق، اوراده خوارجله ایتدیكی مخاربه ده غابت اولوب، طاىٔفۀ مذكوره یی استیصال، و خیلی وقت كمال عدالتله ادارۀ مملكت ایتدكدن صكره، ٢٢٨ تاریخنده ٤٨ یاشنده مروده وفات ایتمشدر. مصر والیلكنه نصب اولندیغی وقت پدری طرفندن نصایح حكیمانه یی وادارۀ ملك حقنده پك چوق حقایقی متضمن مفصل براخطارنامه كوندرلمشیدی، كه بر نسخه سی مأمونك منظوری اولدقده، بالاستنساخ كافۀ ولاته بررصورتنك ارسالنی امر ایتمش، و بو اخطارنامه نك عینی كتب تواریخه درج اولنمشدر. كندیسی امور سیاسیه وادارۀ ملكده كی مهارتیله برابر، ادیب و شاعر بر ذات اولوب، بعض بلیغ مخابرات ورساىٔلی واردر. موسیقیده دخی مهارت تامه سی و كوزل سسی اولمغله، بر چوق بسته لرك مرتبی اولدیغی ((اغانی)) ده مسطوردر.