İbni sina ~ ابن سينا
Kamus-ul'Alam - İbni sina ~ ابن سينا maddesi. Sayfa: 636 - Sira: 6
İbni sina - ابن سينا
(ابو علی حسین بن عبدالله) شیخ رىٔیس عنوانیله مشهوردر. حكما واطبای اسلامك پیشواسی اولوب، عالم اسلامك آرسطو و بقراطیدر. شهرتی عالم اسلامه منحصر اولمیوب، آوروپاجه دخی قرون و سطادن بری آویس اسمیله مشهور و متعارف اولمغله، اسكیدن بری لاتینجه یه ترجمه ایدلمش اولان تألیفاتی آوروپا مكاتبنده طول مدت دستور العمل طوتلمش، و بتون عالمك طلبه سی اللرنده تداول ایتمشدر. پدری بلخلی اولوب، نوح ب منصور سامانینك زماننده بخارایه انتقال ایله، بخارا جوارنده كاىٔن (خرمیثن) قریه سنه مأمور اولمش؛ و قریۀ مذكوره نك جوارنده كاىٔن (افشنه) قریه سندن (ستاره) اسمنده بر قیزله تزوج ایده رك، صاحب ترجمه اوراده ٣٧۰ سنه سی صفرنده دنیایه كلمشدر. بعده بخارایه كیده رك، آز زمان ظرفنده ادبیات و علوم دینیه یی
خط الاسىٔواء)) طلبه سندن ابو الحسن بهمینانك سؤاللریله جوابلرینی حاوی ((المباحثات)) ابو ریحان بیرونی یه جواباً ((عشر مساىٔل))، ینه حكیم مشارالیهه جواباً ((ست عشرة مسىٔلة))، ((مقالة فی هیىٔة الارض من السماء وكونها فی الوسط))، ((الحمكمة المشرقیة))، ((مقالة فی تعقب المواضع الجدلیه))، ((المدخل الی صناعة الموسیقی))، ((مقالة فی الاجرام السماویة))، ((كتاب التدارك لا نواع خطاالتدبیر))، ((مقالة فی كیفیة الرصد و مطابقته مع العلم الطبیعی))، ((مقالة الاخلاق))، ((كیمیایه داىٔر شیخ ابو الحسن سهله خطاباً ((رساله))، اصفهانده علاء الدوله ایچون یاپمش اولدیغی آلت رصدیه حقنده ((مقاله)) ((مقالة فی غرض قاطیفوریاس))، ((الرسالة الاضحویه فی المعاد)) ، ((رسالة فی العروض)) ، ((مقالة فی حداالجسم))، ((الحمكمة العرشیه ))، ((كتاب تدبیر الجند و الممالیك و العساكر وارزاقهم و خراج الممالك)) ، روح حقنده ابو علی نیشابوری ایله واقع اولان ((مناظرات))، ((خطب و تمجیدات و اسجاع))، ((محتصر اوقلیدس))، ((مقالة الارثماطیقی))، ((تعالیق مساىٔل حنین فی لطب))، ((قوانین و معالجات طبیة))، ((شرح كتاب النفس لارسطو طالیس))، ((مقالة فی النفس)) كه ((الفصول)) عنوانیله معروفدر. ((مقالة فی ابطال احكام النجوم))، نحوه داىٔر ((كتاب الملح))، ((فصول الهیىٔة فی اثبات الاول))، ((فصول فی النفس و الطبیعیات))، ((رسالة فی الممالك و بقاع الارض))، ((مختصر فی ان الزاویة التی من المحیط و المماس لاكمیةلها))، منطقه داىٔر ((مفاتیح الخزاىٔن))، ((كلام فی الجوهر و العرض))، ((رسالة فی العشق)) ، ((رسالة فی القوی الانسانیة وادراكاتها))، ((قول فی تبیین ماالحزن و اسبابه)) بونلردن بشقه مساىٔل علمیه و فنیه یه متعلق اسىٔنۀ وارده یه ویا اعتراضات واقعه یه جواباً بر چوق رساىٔلی، ردیه لری، محابراتی، خطبه لری، عربی وفارسی اشعار و قصاىٔدی وسایٔر آثاری واردر. شو بر ایكی بیت نفس ((یعنی روح) حقنده اولان مشهور بر قصیدۀ بلیغه سندندر : هبطت الیك من المحل الارفع ورقاء ذات تعزز و تمنع محجوبة عن كل مقلة عارف وهی التی سفرت و لم تترقع و صلت علی كره الیك وربما كرهت فراقك و هی ذات تفجع
ابن سینا كندیسنی ابی ایتدیكندن، ینه وزارته اعاده اولنمشدر. شمس الدوله نك وفاتنده، حلفی تاج الدوله صاحب ترجمه یی استخدام ایتمدیكندن، ابن سینا اصفهانه عزیمتله، علاء الدوله یه انتساب ایتمش؛ و اوصره ده و جودینه ضعت تاری اولوب، قولنجه مبتلا اولمش، و پرهیزه اعتنا ایتمدیكندن، كندینی ایی ایده میوب، نهایت علاء الدوله نك معیتنده همدانه كیدركن، قولنجی كسب تشدد ایتمكله، ٤٢٨ سنه سی رمضاننده، ٥٨ یاشنده اولدیغی حالده، همدانده وفات ایتمشدر. طواىٔف ملوك بیننده كی رقابت و خصومت سیىٔه سیله، و كندیسنك بونلرك بعضنه اولان انتسابی مناسبتیله، مدت عمرنده بر قاچ دفعه حبس و قلعه بند اولمش؛ و كتابلرینك بعضیسنی محبوسیتی حالنده یازمشدر. ابن سینانك آثاری پك چوق و پك متنوع اولوب، اكثریسی طب و حكمته متعلق ایسه ده، ساىٔر كافۀ علومه داىٔر دخی تألیفاتی واردر. یاشیجه لری شونلردر : ((شفا)) ((نجات))، ((اشارات))، ((قانون))، ((هدایه))، ٢۰ جلد اوزره ((الحاصل و المحصول))، اخلاقه داىٔر ایكی جلد اوزره ((كتاب البروالاثم)) آرسطونك كافۀ كتبنك شرحلرینی جامع اوله رق، ٢۰ جلددن مركب ((كتاب الانصاف))، ((المحموغ))، منطقه داىٔر ((الاوسط)) ((كتاب المبدأ و المعاد)) ((كتاب الارصاد الكلیه))، ((كتاب المعاد))، لغته داىٔر ((لسان العرب)) فارسی العباره ((دانش نامه)) ((كتاب القولنج)) رسالة حی بن یقظان)) ((كتاب الادویة القلبیه))، فارسی العباره ((مقالة فی النبض))، ((مقالة فی مخارج الحروف))، ((رسالة فی الزاویه))، ((مقالة فی القوی الطبیعیة))، ((رسالة لطیر)) ، ((كتاب الحدود))، ((مقالة فی تعرض الطبیب فی القوی الطبیعیة))، ((عیون الحمكمة))، ((مقالة فی عكوس ذوات الجهة))، ((الخطب التوحیدیه))، ((منطقه داىٔر ((الموجز الكبیر)) و ((الموجز الصغیر))، ینه منطقه داىٔر ((القصیدة المزدوجة))، ((مقالة فی تحصیل السعادة))، ((مقالة فی القضاء والقدر))، ((مقالة فی الهندیا))، ((مقالة فی الاشارة الی علم المنطق))، ((مقاة فی تقاسیم الحكمة و العلوم)) ((رسالة فی السكنجبین))، ((مقالة فی اللانهایه)) ، طلبه سندن ابو منصور بن زیلا طرفندن جمع اولنمش ((تعالیق)) ، ((مقالة فی خواص
اشعار فارسیه سی دخی فصاحتده آثار ادبیۀ عربیه سندن دون اولمیوب، اكثر حكما و فضلانك دوچار اوله كلدكلری تعرض جهلاوتكفیر جیمعنایه قارشی سویلمش اولدیغی شو قطعه او جمله دندر : كفر چومنی كزاف و آسان نبود محكمتر از ایمان من ایمان نبود دردهر چو من یكی و آن هم كافر پس درهمه دهر یك مسلمان نبود آثار فنیه سنك اك مشهورلری اولان ((شفا))، ((نجات))، ((اشارات)) و ((قانون) اكثر حكما واطبا طرفندن شرح و تحشیه، و آوروپا لسانلرینه ترجمه، و متنلری دخی دفعاتله طبع و نشر اولنمشدر. ساىٔر آثارینك بعضیسی و علی الخصوص آرسطونك كتابلرینك شرحلرینی جامع اولان ((كتاب الانصاف)) و ((كتاب البروالاثم)) كبیلرینك ایسه نسخه لری پك نادردر.
Kamusul Alam, Şemseddin Sami; Kamusul Alamde İbni sina maddesi. osmanlıcada İbni sina ne demek, İbni sina anlamı manası, İbni sina osmanlıca nasıl yazılır. Osmanlıca sözlükte İbni sina hakkında bilgi. Arapça İbni sina ne demek. Arapça osmanlıca sözlük. Farsçada İbni sina anlamı
Kamusul Alamde - ابن سينا İbni sina maddesi. Şemseddin Sami, Kamusul Alam Ansiklopedisi
İbni sina ~ ابن سينا güncel sözlüklerde anlamı:
İbnü-Sinâ ::: (a. h. i.) : İslâm dünyâsının en büyük feylesoflarından biridir. Babası Abdullah'dır. Aslen Belh'lidlr. Garp Ortaçağında Avicenna diye tanınmış idi. Fakat, yakın zamanlarda, garplılarca da ibnü Sînâ adı kullanılmaya başlanmıştır. (980- 1037).
İbnü-Sinâ ::: (a. h. i.) İslâm dünyâsının en büyük feylesoflarından biridir. Babası Abdullah'dır. Aslen Belh'lidlr. Garp Ortaçağında Avicenna diye tanınmış idi. Fakat, yakın zamanlarda, garplılarca da ibnü Sînâ adı kullanılmaya başlanmıştır. (980- 1037).