İbni Ebi Üsaybe ~ ابن ابی اصيبعه
Kamus-ul'Alam - İbni Ebi Üsaybe ~ ابن ابی اصيبعه maddesi. Sayfa: 602 - Sira: 7
İbni Ebi Üsaybe - ابن ابی اصيبعه
(موفق الدین ابو العباس احمد بن قاسم حزرجی) مشاهیر اطبای اسلامدن حاذق وادیب و متفنن بر ذات ایدی. فن طبك صورت ظهوریله تر قیات متوالیه سی تاریخنی و یونان قدیمده، اسكندریه ده، هندده و ممالك اسلامیه نك هر طرفنده ظهور ایدن مشاهیر اطبانك تراجم احوالیله تألیفاتنی مبین اولان ((عیون الابناء فی طبقات الاطباء)) عنوانلی اثر جلیلی علم و فضلنه بر شاهد عادلدر. حقیقةً بو كتاب مدینت اسلامیه نك طب و فلسفه و حكمت قسملریله اكثر فنونك ترقیاتی درجه سنی كوستردیكندن، اسلافك اك قیمردار آثارندن عد اولنسه كركدر. صاحب ترجمه یدنجی قرن هجری اواسطنده شامده بولنوب، ٦٣٣ تاریخنده دمشقه كیدن ابن بیطاردن دخی علم نباتاتده استفاده ایلمش؛ و ٦٦٨ ده دمشقده وفات ایتمشدر. تألیف كرده سی اولان ((عیون الانباء فی طبقات الاطباء)) ١٣۰۰ تاریخ هجریسنده مصرك ((وهبیه)) مطبعه سنده ((امرأ القیس بن طخان)) ك همتیله بر صورت مرغوبه ده طبع و نشر اولنمشدر.
Kamusul Alam, Şemseddin Sami; Kamusul Alamde İbni Ebi Üsaybe maddesi. osmanlıcada İbni Ebi Üsaybe ne demek, İbni Ebi Üsaybe anlamı manası, İbni Ebi Üsaybe osmanlıca nasıl yazılır. Osmanlıca sözlükte İbni Ebi Üsaybe hakkında bilgi. Arapça İbni Ebi Üsaybe ne demek. Arapça osmanlıca sözlük. Farsçada İbni Ebi Üsaybe anlamı
Kamusul Alamde - ابن ابی اصيبعه İbni Ebi Üsaybe maddesi. Şemseddin Sami, Kamusul Alam Ansiklopedisi