آثوری

Osmanlica ansiklopedi kamus alemde آثوری maddesi. Sayfa:36


Asurî - آثوری

تآثوریلر آثوریه [بو كلمه مراجعت.] یعنی كردستانك اهالیٔ قدیمه سنی تشكیل ایدن اسكی و منقرض بر قومدر. بوقومك آثور بن سام بن نوحك نسلندن اولدیغی تاریخلرده مسطور ایسه ده، بونلر عبادت ایتمكده بولنممش اولدقلری آلهه نك اك بیوكنی دخی (آثور) نامیله یاد ایتمكده بولنمش اولدقلری معلوم اولدیغندن ، بو مبعودلرینه ویاخود ینه آثور اسمیله معروف اولان حكمدارلرندن برینه نسبتله (آثوری) تسمیه اولنملری احتماله دها قریبدر. آثو ریلرك تاریخی، اكثر امم قدیمه ده عادت اولدیغی اوزره، بر طاقم خرافاتله مخلوط اولوب، سام ابن نوح اوغلی آثورك، ودها معقولی بویله بر آثورك نسلندن (نینو) یاخود (نینوس) اسمنده برینك (نینوه) شهینی بنا، وآثوریلر دولتنی تأسیس، وایكی ملیو عسكردن مركب براردو ایله ایرانی فتح ایتد كدن صكره، وارثۀ سلطنتی اولان زوجه سی(سمیرامیس) ك دخی سوریه، فنیكه، قبریس، مصر و حبشستانی ضبط، و (بابل) شهرینی بنا یتمش ؛ وبوندن صكره اوتوز حكمدار كلوب، ذوق وسفاهتله امرار ایام ایله، نهایت (مید یه) سرداری (آرباسس) وبابل سرداری (بلزیس) طرفندن میلاددن ٧٥٩ سنه اول بو دولته ختام ویرلمش؛ وآثوریلر دولتنك ١٣۰۰ سنه سورمش اولدیغی متواتردر. _ آثار عتیقه نك شهادتیله مثبت وصحته دها مقرون اولان دیكر بر تاریخه كوره. آثوریلر، عربلر، عبرانیلر، كلدانیلر و سریانیلر كبی، امم بسامیه دن اولوب، كندیلرندن اول توراینلرله مسكون بولنمش اولان آثوریه ده اسكان، ومیلاددن ١٣۰۰ سنه اول آثور دولتنی تأسیس ایتمشلردر، كه بو دولت ایكی سلاله یه منسوب حكمدارلر ریاستیله، قبل المیلاد ٧٨٨ سنه سنه قدر دوام ایتمشدر. برنجی سلاله نك با نیسی (نینی بالو كین)، وایكنجیسنك كی ده (بلیتاراس) در. ایكنجی سلاله حكمدارلرندن سراینك آثاری (نمرود) موقعنده كشف اولنان (آثور نصر هابل) ایله _ بنی اسراىٔیل حكامندن یهو یی

جزیه یه ربط ایدن _ اوچنجی (سلمانصر) و سمرامیس نام ملكه معروفدرلر. بو سمیرامیسك اوغلی اولان ذیكر بر (سلمانصر) زماننده میلاددن ٧٨٨ سنه اول، بابلیلر له مید یه لیلر آثوریلرك دولتنه ختام ویردیلر ایسه ده، درعقب _ توراتده (تغلاث فلاصر) تسمیه اولنان واصل اسمی دردنجی (توغلا هابتال آصر) اولان _ بر حكمدار بو دولتی یكیدن تأسیس و تجد ید ایتمشدر . بونك نسلندن بشنجی (سلمانصر) قدسی ضبط؛ و (صارغون) سامریه یی فتحله، اهالیسنی نینوه یه نقل، و مصر حكمداری (هاسون) ی مغلوب، وخوزستان ایله ارمنستانی وقبریسی ضبط ایتدكدن صكره، بابلی دخی ممالكنه الحاق ایله، حكمداری بولنان (مرو داخ بلادان) ی اختیار عزلته مجبور ایتمشدر. بونك سراینك خرابه لری موصل جوارنده (خورساباد ) قریه سنده بولنمشدر. بوندن صكره حكمدار اولان (سنا خریب) بابلستان ایله سوریه حكمدارلرینی مغلوب، وقدس ایله مصرك بر قسمنی ضبط، وبابلی غارت ایتد كدن صكره، مغلوباً وفات ایتمشدر. قبل المیلاد ٦٧٦ دن ٦٦٨ تاریخنه قدر حكمومت سورن (آصر هادون) دخی مصرك ضبطیله اوغراشمش، وبابلی تعمیر ایله، ایكنجی پایتخت اتخاذ ایتمشدر. بونك خلفی (آثور پامپال) خوز ستانی اطاعته اعاده ایتمش ایسه ده، اوصره ده پك چوق خونخوارلق كوسترمش؛ و كندیسندن صكره، دولتنه ضعف طاری اولوب، شمالدن هجوم ایدن اقوام بو دولته ختام ویرمشلردر. قبل المیلاد ٦٢٥ تاریخنده نینوه شهری هدم وتخریب اولنمش؛ وبابل مید یه لیلرك یاردیمی و (نابوپولاصر) ك‌همتیله بر آز وقت ایچون استحصال استقلال ایتمش ایسه ده، قبل المیلاد ‌٥٣٨ تاریخنده آثوریه ایله بابلستان كیخسرو طرفندن ضبط اولنوب، فرس دولتنك بر ایالتی حكمنه چكمشلردر. _ آثور یلرك اك بیوك معبودلری (آثور) ایدی، كه بونك حقنده دخی بر‌ نوع تثلیثه راضی اولوب، جسما نیتدن كنایه اولان (آنو) ایله قوۀ خا‌لقه دن كنایه اولان (بعل) وعقل وذكاوتدن كنا یه اولان (نوىٔه) دن مركب اولدیغنی اعتقاد ایدرلردی؛ بوندن بشقه بر تثلیثلری دها وار ایدی، كه آیدن كنایه اولان (سین) ‌ایله كونشدن كنایه اولان (سامس)‌ یاخود (شمس) وهوادن كنایه اولان (بین) ‌دن مركب ایدی. بو اوچ معبودك هر بری,

بری مذكر و دیكری مؤنث اوله رق، ایكی شخصه تقسیم اولنور دی؛ و (بلیته) یاخود (ملیته) تسمیه ایتد كلری بر الهه طبیعتك قوۀ مولده سی زعم اولنوردی. بو ایكی تثلیثدن بشقه بش سیاره یه دخی عبادت ایدرلردی، كه آدار (زخل)، مردول (مشتری)، زجل (مریخ)، استار (زهره) ونابو (عطارد) ایدی. اعتقادلر نجه رىٔیس آلهه ایله ایكی هیٔت مثلثه وبش سیاره یعنی جمعاً اون ایكی آلهه بر جمعیت مشورت تشكیل ایدرلردی. عوام ناس بوا اون ایكی آلهه دن بشقه بر طاقم معبودلره دخی غایت مستهجن بر صورتده عبادت ایدرلردی. آثوریلرله بابلیلرك اجرام سماویه یه اولان اعتقاد وعبادتلری بونلرك علم هىٔت و نجو مده خیلی ترقیلرینی موجب اولمش، وهله سیاراتك وضعیت واحو الندن احكام چیقارمق فكر باطلی اك اول اونلرده ظهور ایتمشدر. آثوریلرك آثار علمیه وفنیه لرندن بر شی باقی قالمامش ایسه ده، فن معماری وفن نقرده كی مهارتلری اخیراً موصل جوارنده (نینوه) خرابه لرنده وساىٔر محللرده بولنان آثار ایله مستشهدر. بونلرك یازیلری میخ ویا اوق شكلنك تعددندن و مختلف و ضعیتلرندن حاصل اولان بر طاقم حروفدن عبارت اولمغله، ((خط میخ))‌تعبیر اولنور. آثوریلرك و بعض فرس حكمدارلرینك آثار عتیقه سنده كوریلن بو خطی یقین وقتلره قدر كیمسه اوقویه میوب، نهایت موسیو (بوتا)، موسیو (سولس) ومو سیو (اوپرن) ك سعی واقدامیله اصول قراىٔتی كشف اولنه رق، اویازیلرك اوقونمسیله، چوقدن محو اولمش اولان آثوری لسانی دخی میدانه چیقاریلوب، بونك السنۀ سامیه دن یعنی عربی وسریانی یه قریب بر لسان اودیغی آكلاشلمش، وصرف ولغتی دخی ترتیب اولنه رق. بو سایه ده آثوریلرك تاریخی دخی خیلی تصحیح و طوسیع ایدلمشدر.

Kamusul Alamde Asurî maddesi, آثوری osmanlica tarih ve cografya ansiklopedisi Asurî nedir anlami. hakkinda bilgi



5 12 19 26 33 40 47 54 61 68 75 82 89 96 103 110 117 124 131 138 145 152 159 166 173 180 187 194 201 208 215 222 229 236 243 250 257 264 271 278 285