ابراهیم بن عبدالله علوي

Osmanlica ansiklopedi kamus alemde ابراهیم بن عبدالله علوي maddesi. Sayfa:548


İbrahim bin Abdullah Bin Ulvi - ابراهیم بن عبدالله علوي

امام حسنك اولادندن (نفس ذكیه) لقبیله معروف محمد مهدی بن عبداللهك برادریدر. خلفای عباسیه دن منصورك زماننده بو ایكی برادر صیقی صیقی آرانلمقده اولدقلری حالده، صاحب ترجمه فارس، كرمان، شام، حجاز و یمن نواحیلرنده طولاشوب، كمال مهارتله اختفا ایتمش؛ و حتی بر كره موصلده منصورك سفره سنده یمك یدیكی حالده، كندینی طانیتدیرمامش، وبر كره ده بغداده داخل اولوب، سفیان بن حیانك اوینه دخیل اولمغله، بو ذات كندیسنی قاچیرمه نك یولنی دوشونوركن، ابراهیم كندیسنه بر تدبیر اوكر تمشدی. شوتله كه مرقوم سفیان ابراهیمك تحریسیچون عسكر یازوب كزمكی تكلیف ایتمكله، مساعده اولندقده، یازدیغی نفرات صره سنده ابراهیمی ده دیكر بر نامله یازوب بصره یه كیتدیكنده، نفراتك هر برینی آیری بر طرفه

كوندرمش؛ و بو صره ده ابراهیم دخی بر طرفه كوندریله رك، اختفا ایتمكه فرصت بولمشیدی. بعده ١٤٥ تاریخنده بصره یه دونه رك، برادری مهدی نامنه خلقی بیعته دعوت ایتمش؛ و آز زمان ایچنده طرفدارلری چوغالوب، بصره و الیسی بولنان سفیان بن معاویه، سالماً قاچمق اوزره، امان ایستمش؛ و بغداددن كلن عسكره دخی غلبه چالدقدن صكره، اهواز، فارس، و اسط وساىٔر جهتلری دخی تحت اطاعتنه آلمش؛ واو صره ده برادری مهدینك مدینه ده قتل اولندیغی خبری واصل اولمش ایسه ده، بو وقعه طرفدارلرینه فتور كتیره جك یرده، بالعكس علویلری عباسیلره قارشی تهییج ایتمكله، دها بیوك بر قوت وشدتله حربه دوام ایتدكلرندن، منصورهر طرفندن عسكر جمع ایله، ابراهیمك و جودینی قالدیرمغه زیاده سیله جهد و غیرت ایده رك، عیسی بن موسایی اون بش بیك عسكرله كوندرمش؛ و ابراهیم ایسه یوز بیك عسكرله چیقوب، كوفه دن اون آلتی فرسخ اوزاق بر محلده واقع اولان محاربه ده، ابتدا عیسی بن موسانك مقدمة الجیشی قومانده سنده بولنان حمید بن قحطبه مغلوب و فراره مجبور اولمش ایسه ده، عیسی اولومنی كوزینه آله رق، قالان عسكریله ثبات ایتمش؛ و او صره ده ابراهیمك عونه سندن بعضیسی منهزم اولوب، فراره یوز طوتمش اولدقلرندن، ابراهیم درت بش بیك كشی ایله مردانه مقاومت ایتمش ایسه ده، كندیسی مجروح اولوب، آتندن دوشمكله، همان باشی كسیلوب، عیسی بن موسایه كوتورلمش؛ و اونك طرفندن دخی منصوره كوندرلمشدر. ١٤٥ سنه سی ذی القعده سنك ٢٥ نده و قوع بولان بو وقعه صاحب ترجمه ابراهیمك خروج و ماجراسنه ختام ویرمشدر.

Kamusul Alamde İbrahim bin Abdullah Bin Ulvi maddesi, ابراهیم بن عبدالله علوي osmanlica tarih ve cografya ansiklopedisi İbrahim bin Abdullah Bin Ulvi nedir anlami. hakkinda bilgi



7 14 21 28 35 42 49 56 63 70 77 84 91 98 105 112 119 126 133 140 147 154 161 168 175 182 189 196 203 210 217 224 231 238 245 252 259 266 273 280