Athenes - آتنه

(ورومجه ) یونانك (آتیق) ایالتنده واقع اك بیوك و اك مشهور شهرر اولوب، زمان قدیمنده یونان مدنیتنك مركزی بو لنمش اولدیغی كبی ، بو كون دخی یونان حكومتنك پایتختیدر . ً٢٩ َ٢٣ ْ٢١ طول شرقیده واقع اولوب، اكثر جهتلری تپه لرله محاط ویالكز غرب جهتی _ (اجینه) یاخود (آتنه) كورفزی دنیلن _ كورفزه قدر آچیقدر . اسكله سی اولان پیره دن ٧ كیلو متره اوزاق اولوب، بر دمیر یولی خطیله مربوطدر . بوكو نكی شهر موقع قدیمنك یالكز بر پارچه سنده اولوب ، آنجق ٣۰۰۰۰ اهالیسی واردر . (آقروپول) دنیلن ایج قلعه سی بر تپه نك اوزنده واقع اولوب، شهر قدیم بو تپه نك جنوب وغر بنه طوغری ممتد اولدیغی حالده ، زمانمزده كوندن كونه توسع ایتمكده اولان یكی یونان پایتختی تپه نك شمال و شرق طرفلرینه طوغری اوزانمقده در. زمان قدیمده كی سوری داىٔراً مادار ٣٦ كیلو متره دن‌ زیاده بولنمش ایكن، مؤ خراً شهر اوقدر كوچلمشیدر ، كه حكومت عثمانیه زماننده ١٧٨۰

تاریخ میلادیسنده انشا اولنان ٧ كیلومتره لك سور قصبه یی مع زیادةٍ احاطه ایتمشیدر . بعده یونانلیلر بو سوری هدم ایتمشلر ، و اسكی سورك آنجق اوته ده بریده بعض آتاری باقی قالمشدر . زمان قدیمده آتنه نك عجاىٔب عالمدن عداولنه جق پك چوق ابنیه سی اولوب ، ازجمله (آر ىٔو پاغ)، (پریتانیا)، (لیسه) یاخود (لیكیون)، (اودىٔون)، (آقادمیا )، (پارتنون) ابنیۀ عمو میه سی [بو كلمه لره مراجعت.] و (( یللر معبدی)) دنیلن سكز كوشه لی برقله، لمیبو سلی مشترینك، (تیسه) نك و ((مظفریت)) ك معبدلری، (آدریان) قپوسی، (باقكوس) و (هرود آتیقوس) _ خرابه لری الیوم موجود اولان _ (ارختیون) تیاتروسی مشهور ایدی . بوابنیه نك كافه سی غایت مصنع هیكللر ، رسملر ویازیلرله مزین ایدی. چیقایلان آثار عتیقه پك قیمتداردر . یالكز (پارتنون ) ایله (ارختیون) ك خرابه لری الیوم موجود اولوب، علی الخصوص (پارتنون) الآن قاىٔمدر . بوبنا عقل الهه سی وآتنه شهرینك حامیه سی اعتقاد اولنان (آتنه) یعنی زهره نك معبدی اولوب، بعده كلیسایه. و شهرك عثما نلیلر طرفندن فتحنده جامعه تحویل ایدلمش ، ویونان استقلالنده حالت اصلیه سنه ارجاع اولنه رق، مجرد آثار عتیقه مراقلیلر ینك سیركاهی اولمشدر. مناره سی دخی قاىْمدر. آتنه ایله ییره آره سنده كی طریقك دخی ایكی یانی سورله محفوظ ایدی. یكی قصبه نك آثار عتیقه سنه نسبةً ذكره شایان ابنیه سی یوغیسه ده، موجودلرینك اك منتخبلری قرالك سرایی، مكمل بر كتبخانه یی جامع اولان دارالفتونی رصد خانه سی.‌ تیاتروسی. خسته خانه. مبعوتان داىٔره سی. مكتب صنایعی ودیكر بر قاچ مكتبیدر . اسكی قصبه دن قالمه اولان محله لری پیس و سوقاقلری طاردر. شهر اهالیسنك بر قسمی آرناؤدجه تكلم ایدر . آتنه قصبه سنك تأسیسی پك اسكی اولوب، (كقروب) اسمنده بر رینسك دلالتیله مصردن كلمش بر قوم طرفندن بنا ایدلمش اولدیغی مرویدر. ابتدای حالنده شهر (آقروپول) دنیلن و بر قیانك اوزرنده واقع اولان ایج قلعه یه مخصر اولوب، (كقروپیا) دنیلمش؛ و بعده (آتنه) یعنی زهره نك معبدی تأسیس اولنمغله ، بو النیه نك تسمیه اولنمشدر . شهر اك زیاده

میلاددن بش عصر اول ریاست ایدن (پیسسترات ) سلاله سی زماننده توسع ایدوب . مؤخراً ایران شاهی آردشیر بهمن طرفندن هدم تخر یب . و (تمیستو قل) ك همتیله یكیدن تعمیر . ونهایت بر یر یقلس زماننده فوق العاده تو سیع وتز یین اولنمشیدی . بیؤك اسكندرك خرو جندن صكره . آتنه استقلا لنی و پارلا قلغنی غاىب ایتمش ایسه ده . اسكندر بو شهره اصلا طوقنمد یغی كبی ، خلفلری اولان طواىٔف ملو كدن بعضیسی تعمیر و تز ییننه چالیشمش ، وآتنه دها بر چوق وقت معا رفك مركزی قالمشیدی . رومالیلر ك النه چكد كدن صكره ، اهالیسی مهر دادله بر لشوب ، اختلاف ایتد یكندن . (سیلا) طرفندن تخریب اولنمش ایسه ده. روما یمیراطورلرندن بعضیسی دخی آتنه نك تعمیر ینه چالیشمش، ویالكز (نرون) خر ستیا نلغك شیو عندن صكره آتنه خیلی وقت اعتقاد قدیمیله برابر معارف ومد نیت یونانیه یی محافظه ایده بیلمش ایسه ده ، نهایت خرستیا نلغك غلبه چالمسیله ، معبدلری كلیسا یه تحویل اولنممش . وقرون و سطاده نامی طویلمیه جق بر حاله كلمش ایدی. میلادك ١٢۰٤ تاریخنده .‌ استانبولك اهل صلیب طرفندن ضبطی اثنا سنده ، آتنه ده دخی بر فرنك دوقه لغی تشكیل اولنمش ، ١٣١٢ ده قتالانیالیلره، و١٣٢٦ ده سیچلیا قرالی ایكنجی فردریقه چكمش . و ١٣٧۰ ده وند یكلیلرك خداو ندكار حضر تلر ینك یاردمیله فلورانسه حكمداری (آچیاىٔولی) طرفندن ضبط ، ونهایت میلادك ١٣٥٦ و هجرتك ٨٦٢ تاریخنده فاتح سلطان محمد ثانی حضرتلری طرفندن فتح اولنه رق. ممالك عثمانیه دایٔره سنه داخل اولمش. و معابد قدیمه سی‌ جامعلره تحویل اولنه رق، درت عصره قریب بر زمانده عثمانلی واسلام شهری صفتنده بولندقدن صكره، ١٨٢١ تاریخ هجریسنده اوروپا دولنك تو سطیله تشكل ایدن یونان دولتنك پایتختی اتخاذ‌ اولنمشدر . آتنه ده ازمنۀ قدیمه ده نشأت ایدن حكما وعما وساىٔر مشاهیرك تعدادی متعسر اولوب، سقراط، افلاطون. آرستوفان، سوفوقل، اكسنو فون، اوریپید، اسكیل، دموستن ، اسكین، فیدیاس بونلرك جمله سند ندر .