Aydın - آيدين

ولایتی. هر نه قدر شمدیكی حالده مركزی ازمیر شهری ایسه ده، وقتیله آیدین شهری ولایتك مركزی و اك مهم شهری بولنمش اولدیغندن ، ولایت بو نامله یاد اولنمقده در. آناطو لیده كی ولایات عثمانیه نك اك بیوك واك مهملرندن اولوب، قطعۀ جسیمۀ مذكوره نك همان بتون سواحل غربیه سخه اوزانیر و شرقه طوغری تاآناطولینك ایج طرفلرینه ممتد اولور. مدللی آطه سنك قارشیسنده َ١۰ ْ٣٩ عرض شمالیدن یعنی مادراس طاغندن باشلایه رق، سواحل غربیه نك منتهای جنوبیسنه یعنی َ٥ ْ٣٦ عرض شمالی یه قدر اوزانوب شمال غربیدن جنوب شرقی یه اولان طول اعظمی قوش اوچشی حسابیله ٤۰۰ كیلومتره، وساقزك قارشیسنده كی چشمه دن حدود شرقیه یه قدر غربدن شرقه اولان عرض

اعظمی دخی قوش اوچشی حسابیله ٢٤٥ كیلومتره، ومساحۀ سطحیه سی تحمیناً و تقریباً ۰۰۰ ٥۰ مربع كیلومتره در. اهالیسی ٦٢٩ ٢٥١ ١ كشیدن عبارت اولمغله، بهر مربع كیلومتره باشنه ٢٥ كشی دوشیور. مذكورالمفدار اهالىٔ ولایتدن تقریباً ۰۰۰ ١۰۰ ١ ی اسلام و تقریباً ۰۰۰ ١٥۰ ی خرستیان ویهودی اولوب، نفس ازمیر قصبه سیله دیكر بعض شهرلرده كی روملردن بشقه جمله سی لسان تركی ایله متكلمدرلر. آیدین ولایتی شمالاً خداوندكار ولایتنك قره سی سنجاغیله، شرقاً ینه ولایت مذكوره نك كوتاهیه وقره حصار صاحب وقونیه ولایتنك حمید وتكه سنجاقلریله محدود، جنوب و غرب جهتلرندن دخی آطه لر دكیزیله محاطدر. بو ولایت كرك موقعجه و كرك اراضی و ثروت طبیعیه جه آناطولینك اك كوزل یرلرینی جامع اولوب، سواحلی بر چوق كورفز، قوی، شبه جزیره لیمانلری حاویدر. بو سواحل ازمنۀ قدیمه ده دنیانك اك معمور و اك مدنی یری اولوب، ازمیر، افس، میلت، آلیقار ناسو كبی نیجه جسیم شهرلری وار ایدی، كه هر برنده شهرنی عالمكیر اولمش نیجه حكما وارباب فن و هنر ظهور ایتمشدر. بو كونكی كونده سواحلك بتون اهمیتی مركز ولایت اولان ازمیر شهرینه حصر اولنه رق، علی الخصوص دمیر یوللری آناطولینك ایج طرفلرینه طوغری ایلریلدكجه، بو اهمیت تضاعف ایده رك، بو شهر كیتدكجه كسب و سعت و معموریت ایتمكده در. لكن دمیر یوللری تشعب ایتدكجه دیكر اسكله لرك دخی كسب معموریت ایده جكلرنده شبهه یوقدر. اراضیسی طاغلق ایسه ده، بو طاغلرك اكثریسی اورمانلر ومرعالرله مستور اولوب، كوزل و منبت بایر ودره لری شامل اولدقلرندن بشقه، طاغلرك آره لرنده و علی الخصوص چای و ایرماقلرینك مجرالری اطرافنده واسع و غایت منبت اووه لری دخی واردر. طاغلری واسع و غایت منبت اووه لری دخی واردر. طاغلری باشلیجه شرقدن غربه طوغری ممتد اولوب، بعضلری شماله و بعضلری ده جنوبه طوغری براز ماىٔل‌ بولنورلر. بونلرك اك بیوكی (بوز طاغ) دنیلن سلسله در، كه بیوك مندرس ایله (كدیز) ایرماقلرینك مجرالری آره سنده واقع اولوب، غربه طوغری اوزاتدیغی ایكی قولدن شمال جهتنده كی اصل بوز طاغ نامیله ازمیرك اوستنه قدر واصل اولور،

واورادن شمال شرقی یه طوغری دونه رك مغنیسا شهرینك اوستنده منتهی اولیور، وصیرتی ازمیر سنجاغنی صاروخان سنجاغندن آیریور. جنوب جهتنده كی شعبه سی ایسه آق طاغ، عجم طاغی، قوچاق طاغی، جویز طاغی وجمعه طاغی ناملریله ازمیر ایله آیدین سنجاقلری آراسنده ممتد اوله رق، سیسام آطه سی قارشیسنده بر برون صورتنده دكیزك ایچنه اوزانیر. ولایتنك حدود شمالیه سنی آیران بر طاقم طاغلر دها واردر، كه مادراس، اوزونجه یایلا و دمیرجی طاغی ناملریله ساحلدن حدود بوینجه عشاقه قدر ممتد اولور، و ولایتین آره سنده بر تقسیم میاه خطی تشكیل ایدرلر. دكیزلی سنجاغنده و دكیزلی شهرینك اوستنده (بابا طاغی) نامیله منفرد ومرتفع بر طاغ واردر. ینه (بوزطاغ) نامیله دیكر بر بیوك طاغ دخی دكیزلی سنجاغنك جنوب شرقی جهتندن باشلایوب، منتشا سنجاغنك اورته سندن كچه رك، ردوس ایله استانكوی آطه لری آره سنده دكیزك ایچنه خیلی كیرن بر اوزون شبه جزیره تشكیل ایدیور. (آق طاغ) اسمنده دیكر بر جبل دخی شمالدن جنوبه طوغری اوزانه رق، منتشا ایله سنجاقلرینك حدودینی یعنی آیدین ولایتنك اك جنوبنده كی حدود شرقیه سنی آیریور. ولایتك صولری شمال ویا جنوبه آز میلانله عمومیت اوزره شرقدن غربه آقه رق، آطه لر دكیزینه منصب اولورلر. اك بیوك نهرلری (مندرس) ایله (كدیز) ایرماقلری اولوب، بونلرك ایكیسی دخی خداوندكار ولایتنك كوتاهیه وقره حصار صاحب سنجاقلرنده نبعانله، ولایت مذكوره ده خیلی جریاندن صكره آیدین ولایتنه كیررلر. مندرس دكیزلی و بعده آیدین سنجاقلرینك ایچندن بالمرور، صولدن (چورك صو) ، (آق صو) و (چینه چایی) نام نهرلرله بر چوق دره لری وصاغدن دخی (باناز) چاییله (كوبل) چاینی و بر طاقم دره لری اخذ ایده رك، آیدین سنجاغنك كوزل ب منبت اووه سنی شق ایله، آطه لر دكیزینه منصب اولور. كدیز ایسه صاروخان سنجاغنده ابتدا طاغلرك آره سنده و بعده واسع بر اووه ده آقوب، صاغدن (سلندی) و (تیمورجی) چایلریله (قوم چاینی) وصولدن (آلاشهر) و (نیف) چایلرینی و ایكی طرفدن ده بر چوق دره لری اخذ ایله، ازمیر سنجاغنه كیروب، منمن قصبه سنك یانندن كچه رك، ازمیر كورفزینك آچیقلرینه ٣٣

دوكیلور. ولایتك ایكنجی درجه ده كی ایرماقلرینك برنجیسی (كوچك مندرس) دنیلن نهردر، كه حوضه سی تمامیله داخل ولایتده و ازمیر سنجاغی ایچنده اولوب، یوقاریده تعریف اولنان بوزطاغنك ایكی شعبه سی آره سنده واقعدر؛ بو ایرماق بو ایكی طاغك آره سنده كی كوزل اووه لرك ایچنده آقوب، صاغ و صولدن بر چوق دره لر اخذ ایله، بایندر و آیاسلوغ قصبه لرینك یانندن بالمرور، قوش آطه سی كورفزینه دوكیلور. (باقر چای) ولایتك جهت شمالیه سنده آقوب، چاندارلی كورفزینه؛ (تخته لی چای) ازمیر سنجاغنده آقوب، قوش آطه سی كورفزینك شمال طرفنه؛ (صاری چای) میلاس قضاسنده آقوب،‌ مندلیا كورفزینه؛ (طله مان) چاییله (اشن) چایی دخی منتشا سنجاغنك شرق جهتنده شمالدن جنوبه طوغری آقه رق، آق دكیزه دوكیلورلر. بو صوك ایكی نهردن بشقه ولایتك بتون صولری آطه لر دكیزینه دوكیلوب، آناطولینك آطه لر دكیزی ماىٔله سی همان بو ولایت اراضیسندن عبارتدر. یالكز ایوالق قضاسیله بیغا سنجاغنك بو ماىٔله یه تابع اولان بر آزیرلری ولایتك خارجنده در، وبرده بو ماىٔله نك اصل رأسی خداوندكار ولایتنك كوتاهیه وقره حصار صاحب سنجاقلرنده در؛ چونكه تقسیم میاه خطنی تعیینله سقاریه حوضه سنی كدیز ومندرس حوضه لرندن آیران صیرت مذكور ایكی سنجاغك ایچنده واقعدر. ولایتنك اكثر طرفلری و علی الخصوص منتشا وازمیر ایله دكیزلی سنجاقلرینك طاغلری وصاروخان ایله آیدین سنجاقلرینك دخی بعض جهتلری اورمانلرله مستور اولوب، بو ولایت اورمانجه آناطولینك اك زنكین ولایاتندندر. مرتفع طاغلرده آق چام ایله قطران چامی و آردیج؛ ارتفاعلری اورته اولان طاغلر ده قزل چام ایله میشه؛ الچق طاغلرله یوكسك طاغلرك اتكلرنده دخی قزل چام ایله فستق، پلاموط میشه سی، زیتون آغاجلری وساىٔر اشجار متنوعه؛ چای كنارلرنده دخی چنار، قز، قواق و كونلك آغاجلری بولنور. علی العموم ولایت اوزمانلرنده كی آغاجلرك‌ اونده یدیسی قزل چام یعنی حلب چامی اولوب، بونلرك كراسته سی ابنیه ایچون استعمال اولندیغی كبی، قبوغی دخی دباغخانه لر ایچون ایشه یارادیغندن، طوپلانوب، اولدقجه بر تجارت تشكیل

ایدیور. علی الخصوص منتشا سنجاغنك كویجكز قضاسنده اولوب اك یوكسك ذروه سی ٣۰۰۰ متره ارتفاعنده اولان (ماءدراز) طاغنك اتكلری بو نوع آغاجله مستوردر. بو آغاجلرك كراسته لری چایلرك صوییله ایندیریله رك، مصر وسوریه یه وقبوقلری دخی آوروپایه نقل اولنور. مذكور سنجاقده آشیسز بر چوق خرنوب، كتره وزیتون آغاجلری بولنوب، اورمانلر تشكیل ایدیورلرسه ده، آشیلیلری آزدر. صاروخان سنجاغی اورمانلرندن كلیتلی پلاموط، محموزه وصوماق یاپراغی طوپلانوب، اوروپایه نقل اولنور. داخل ولایتده بو قدر اورمانلر و آغاجلر وار ایكن بیوك خزارلر بولنمیوب، ال ایله یاریلان كوچك تخته لر دخی آنجق ایج طرفلرك و كویلرك ابنیه سنه الویریشلی اولمغله، ازمیره كراسته نك خارجدن كلمسی، و برده اورمانلرك لایقیله محافظه اولنه میوب، چوبانلر طرفندن آره صره اتلافات وضایعات ظهوری جای تأسفدر. داخل ولایتده بولنان اورمانلر من حیث الجموع تقریباً ١٧۰۰۰۰۰ دونمدر. كسیلن اودون و كراسته دن آلنان رسومك حاصلات سنویه سی تقریباً بر ملیون غروش، واورمانلر ایچدن اولنان مصارف بو مقدارك بشده بری نسبتنده در. آیدین ولایتنك كرك طبیعت اراضیسی و كرك اقلیم و هواسی و صولرینك چوقلغی انواع محصولات یتیشدیرمكه مساعد اولوب، زراعتك الآن اسكی اصولده بولنمش وترقىٔ زراعته پك آز همت و خدمت اولنمسی ایله برابر، بو ولایتده پك چوق محصولات یتیشیوب، ممالك عثمانیه نك اك زنكین و اك محصولدار ولایتیدر. اك برنجی محصولی پاموق اولوب، منتشا سنجاغندن بشقه ولایتك هر طرفنده كلیتلی پاموق یتیشدیرلمكده در. جنوب طرفنده كی یرلرك یعنی آیدین و دیكزلینك پاموغو دها بیاض و دها پارلاق ایسه ده، شمال جهتلرینك یعنی صاروخان و ازمیر سنجاقلرینك پاموقلری قدر یموشاق دكلدر. درون ولایتده سنوی حاصل اولان پاموق اوچ ملیون یكی قیه یعنی كیلوغرامدن زیاده اولوب، بونك آنجق اونده بری محلنده صرف، وقصوری آوروپایه و باشلیجه فرانسه یه اخراج اولنور. چكردكلرینك دخی بر قسمی، یاغ چیقارمق اوزره، آوروپایه كیدوب، قصوری محلنده حیواناته یدیریلیر. آیدین ولایتنك ایكنجی محصولی

مقبول اولان خالی وسجاده و كلیملر یاپیله رق، بوندن ولایته سنوی كلی مقدار آقچه كیرمكده در. اغنام، صیغیر، آت، دوه وساىٔر حیواناتی دخی چوقدر. مركز تجارتی ازمیر شهری اولوب، اورادن اوچ شعبه اوزرینه تمدید اولنان دمیر یول خطلرینك بری آیدیندن كچه رك، سرای كوینه؛ بری اوندن آیریلوب، تیره واوده مشه؛ و بری ده مغنیسادن كچه رك، آلا شهره قدر ممتد اولور. بو یوللر تجارتی خیلی تسهیل ایدوب، زراعت وثروت ولایتك تزییدینه خدمت ایتمكده ایسه ده، الآن دها ایلری یه و اره مدقلرندن، و دمیر یول موقفلرندن تشعب ایده جك شوسه لرك فقدان ویا نقصانندن طولایی بحق استفاده اولنه مامقده در. آیدین ولایتی بش سنجاقدن عبارت اولوب، مركز ولایتدن اداره اولنان ازمیر سنجاغی سواحلك قسم شمالیسنی یعنی قوش آطه سی كورفزینك جهت جنوبیه سنده كی بروندن یوقاری اولان سواحل ایله كوچك مندرس حوضه سنی ونیف چایی حوضه سنك یوقاری قسمنی حاویدر؛ صاروخان سنجاغی كدیز ایرماغی حوضه سندن عبارت اولوب، ساحلدن ماعدا ولایتك قسم شمالیسندن عبارتدر، و مركزی مغنیسا شهریدر؛ دكیزلی سنجاغی ولایتك قسم وسطیسنك شرق جهتنده اولوب، بیوك مندرس و اوكا منصب اولان آق صو حوضه لرینك یوقاری قسمندن وینه بیوك مندرس تابعلرندن چوروك صو حوضه سندن عبارتدر، و مركزی همنامی اولان شهردر؛ آیدین سنجاغی بیوك مندرس حوضه سنك قسم اعظمندن عبارت اولوب، نهر مذكورك مجراسنجه دكیزه قدر ممتد اولورسه ده، ساحلی آزدر، مركزی همنامی اولان شهردر؛ منتشا سنجاغی ولایتك قسم جنوبیسندن عبارت اولوب، سواحلی و كورفز و شبه جزیره لری چوقدر، و مركزی مغله شهریدر. [بو سنجاقلرك‌ بهریچون اسم مخصوصنه مراجعت بیوریله.] بو سنجاقلرك قضا و ناحیه لره صورت تقسیمی وجه آتی اوزره در : سنجاق قضا ناحیه ازمیر { ازمیر بیرون آباد، سیدی كویی، نیف، قره برون، تریانده ‌ { منن

اوزوم اولوب، علی‌ الخصوص ازمیر، اورله، چشمه، تیره، آیدین، چال، قوش آطه سی قضالرنده چكردكسز وزراقی وسیاه اوله رق كلیتلی اوزوم حاصل اوله رق، قسم كلیسی قورودلمقده در؛ ویاش وقورو اوله رق بتون ولایتك سنوی اوزوم محصولاتی بر ملیون یكی قنطاردن زیاده در، كه بونك جزىٔی بر مقداری محلنده صرف اولنوب، قسم كلیسی آوروپایه اخراج اولنمقده، و مجموعنك قیمتی بر بچق ملیون لیرایه تقرب ایتمكده در. انجیری دخی چوق اولوب، بوده قورو اوله رق اخراج اولنمقده، و محصولات سنویه سی اون درت ملیون یكی قیه یه بالغ اولمقده در. زیتون آغاچلرینه چوق اهمیت ویرلمیوب، آشیسز زیتون آغاچلرندن عبارت اورمانلر حال اصلیلرنده براقمش اولدقلری حالده، ینه سنوی اوچیوز بیك لیرا قیمتنده زیتون محصولاتی آلنیور. ولایتك اك مهم محصولاتندن بری ده آفیون اولوب، صاروخان ایله آیدین و دكیزلی سنجاقلرندن خیلی آفیون و حشخاش یاغی چیقارلمقده در. حبوباته كلنجه، وقتیله بو ولایتدن آوروپای جنوبی یه خیلی بغدای اخراج اولنمقده بولنمشیكن، اخیراً فن زراعته اعتنا اولنمامسندن، وبرده اوزوم و اینجیر محصولاتنه دهازده اهمیت ویرلمسندن طولایی، شمدیكی حالده ولایتك بغدای محصولاتی آنجق احتیاجات محلیه یه تقابل ایده جك مقدارده، یعنی سنوی آشاغی یوقاری بر بچق ملیون یكی كیله مقدارنده در. آرپه محصولاتی دها زیاده اولوب، ایكی ملیون كیله یه بالغ اولمقده، و علی الخصوص دیكیلی ناحیه سیله منمن قضاسنده حاصل اولان جنسنه تجارتده زیاده اعتیار اولنمقده در. آرپه نك قسم اعظمی آوروپایه اخراج اولنیور. سیسام و آق داری دخی ولایتك اكثر طرفلرنده علی الخصوص منتشا سنجاغنده كلیتله حاصل اولوب، دیكیلی ناحیه سنده حاصل اولان آق داری زیاده شهرت بولمشدر.‌ بونلرك دخی قسم كلیسی آوروپایه اخراج اولنوب، سیسامدن محلنده یاغ و طحین دخی چیقارلمقده در. مصر داریسی وبورچاق محصولاتی دخی خیلی چوق اولوب، علف و چاودار نسبةً‌ آزدر. اك زیاده حبوبات یتیشدیرن طرفلری زامیر وصاروخان سنجاقلریدر. محصولات صناعیه باشلیجه خالی و سجاده سن عبارت اولوب، ولایتك بعض طرفلرنده آوروپاجه زیاده سیله

منتشا { میلاس ‌ { بودروم { مرمریس دادیه {كویجكز { مكری اشن مركزی ولایتده بر اعدادیۀ ملكیه مكتبیله بر دارالمعلمین و ((ترقی)) نامیله خصوصی بر مكتب ایله بر اناث مكتبی و ٩ مكاتب ابتداىٔیه بولندیغی كبی، سنجاق مركزلرینك جمله سیله قضا مركزلرینك اكثریسنده و بعض ناحیه مركزلرنده رشدیه مكتبلری كشاد اولنوب، درون ولایتده موجود مكاتب رشدیه نك عددی ٢٥ دن زیاده در. قوش آطه سنده بر اناث مكتبی واردر. قصبه لرده متعدد صبیان مكتبلری بولندیغی كبی، بعض قریه لرده دخی بولنیورسه ده، حاللری پك منتظم دكلدر. سنجاق و قضا مركزلرینك اكثریسنده معارف و نافعه قومیسیونلری ورزاعت وتجارت اوطه لری تشكیل اولنمش ایسه ده، نه درجه یه قدر خدمتلری كورلدیكی مجهولمزدر. درون ولایتده موجود جوامع ومساجد و مدارس وساىٔر مؤسسانك مقدارینه دسترس اولنه مدی. زمان قدیمده بو ولایتك قسم شمالیسی یعنی ازمیر وصاروخان سنجاقلری (لیدیا)، و قسم جنوبیسی یعنی آیدین، دكزلی و منتشا سنجاقلری (قاریا) اسملریله معروف ایدی. آنجق منتهای شمالیسی یعنی برغمه جهتی بوندن خارج اولوب، بیغا جهتندن عبارت اولان (میسیا) مملكت قدیمه سنه داخل بولنمش اولدیغی كبی، منتهای جنوبیسی اولان مكری قضاسی دخی تكه یه مصادف اولان (لیكیا) یه ملحق ایدی. لیدیانك مركزی صالحلی یه قریب بولنمش اولان (ساردس) شهر قدیمی ایدی، كه كثرت مال و ثروتله ضرب مثل حكمنه كچمش اولان قرسوسك پایتختی ایدی. ازمیر شهری دخی او وقتدن بیوك ب مشهور ایدیسه ده، اك بیوك شهری افس (یعنی آیاسلوغ) ایدی. آلا شهر دخی (فیلادلفیا) نامیله موجود ایدی. قاریانك اك بیوك شهری بیوك مندرسك منصبنده بولنمش اولان (ملیت) شهری ایدی؛ میلاس شهری او وقتدن (میلاسه) ، وبودروم شهری (آلیقارناس) اسمیله موجود و معمور بولنمش اولدقلری كبی، طله مان چاینك كنارنده و منصبنه قریب دخی (اقسانتوس) اسمیله بر شهر وار ایدی. بو اقطار قدیمه نك اهالیسی اقوام آریه دن

صنجاق قضا ناحیه ازمیر { برغمه { نواحیٔ برغمه، ایلیجۀ برغمه، دیكیلی، آیازمند، قوزان، چاندارلی، كلیسا { فوچتین { فوچۀ جدید ‌ { اورله {چشمه { آلاچطی { بیوك چفتلك (یكی ناحیه) { سفریحصار صیفه جق { قوش آطه سی آیاسلوغ { تیره {اوده مش { بالبانیولی { بركی { بایندر صاروخان { مغنیسا پلاموط {قصبه {ایلیجه { طاغ مرمره سی { صالحلی آطله { آلا شهر اینه كول { اشمه { قوله سلندی { تیمورجی { كوردوس بورلو { آقحصار مرمره جك { صومه { قرق آغاج كلنبه دكزلی { دكزلی خوناز { چال بقلان { بولدان كونای { سرای كوی قاضی ناحیه سی { طواس آیدین { آیدین { صوییجه { كوشك { فره حیط { اینه آباد { قره بیكار ‌ {كرمنجك ‌ {نازللی {قره جه صو { قپوجق صو {سلطان حصار { آتجه ‌{ بوز طغان یكی پازار { چینه {سوكه منتشا { مغله { اوركه { بوز اویوق

اولوب، ایرانیلرله مناسبتلری وار ایدی؛ آنجق سواحلده و دكیز قییسنده بولنان بیوك شهرلرده اسكیدن بری یونان مهاجرلری كلوب یرلشمشلردی. بعده ایرانیلرك الینه كچوب، بیوك اسكندر طرفندن فتح اولندقدن صكره، بو جهانكیرك وفاتنده اورالرده بر طاقم كوچك حكومتلر تشكل ایتمشیدی، كه اك مشهورلری بر غمه ده حكم سورمش اولان (آتال) لر حكومتیدر. بعده رومالیلرك الینه كچوب، روما ایمپراطولغنك تقسیمنده، شرق ایمپراطورلغی حصه سنه دوشمش؛ و سلچوقیلر اكثر اطرافنی ضبط ایتمشلردیسه ده، بعض سواحلی وندیكلیلرك النده و بعض جهتلری نیم مستقل خرستیان پرنسلرك ضبطنده قالمشیدی. دولت سلچوقیه نك انقراضنده اورالرده (آیدین اوغللری) ، (منتشا اوغللری) و (ازمیر اوغللری) ناملریله بر طاقم امرا تفرد ایتمشلردیسه ده، یلدیرم سلطان بایزید دورننده بعض جهتلری فتح اولنوب، نهایت سلطان مراد ثانی حضرتلری ٨٢٩ و ٨٣۰ تاریخلرنده بو ولایتی كاملاً فتح و ممالك عثمانیه یه ضم ایتمشدر.