Avon ~ آوون
Kamus-ul'Alam - Avon ~ آوون maddesi. Sayfa: 495 - Sira: 13
Avon - آوون
اسكی كلت لساننده ((صو)) دیمك اولمغله انكلتره ده بو اسمله سكز نهر بولنیور : برنجیسی (وست آوون) یعنی ((غربی آوون )) اسمیله نفس انكلتره نك (غلوچستر) قضاسنده نبعانله، (بریستول) شهرینك یانندن كچه رك (سورن) خلیجنه دوكیلور. _ ایكنجیسی پك كوچك اولوب، (میدله آوون) نامیله ینه او قضاده جریانله مذكور خلیجه دوكیلور. _ اوچنجیسی (اوپر آوون) یعنی
((یوقاری آوون)) نامیله (نورتامپتون) قضاسنده نبعانله، (وارویق)، (وورچستر) و (غلوچستر) قضالرندن كچه رك، ١٥٥ كیلومتره لك جریاندن صكره، (سورن) نهرینه دوكیلور. _ دردنجیسی (لوید آوون) نامیله (مونموت) قضاسندن كلوب، (اوسق) نهریله برلشدكدن صكره (سورن) خلیجنك شمال طرفنه دوكیلور. _ بشنجیسی (است آوون) یعنی ((شرقی آوون)) نامیله (ویلج) و (هامپشیر) قضالرینی شق ایله، مانشه دكیزینه منصب اولور. _ آلتنجیسی (دوونشیر) قضاسنده جریانله (پلمیوت) ك شرق طرفنده مانشه دكیزینك (بیغبوری) قوینه دوكیلور. _ یدنجیسی (والس) خطه سنك (غلامورغان) قضاسنده جریانله، ٢٦ كیلومتره قطع ایتدكدن صكره (اسوانسیا) قوینه دوكیلور. _ سكزنجیسی ینه (والس) خطه سنك (مریونت) قضاسنده جریان ایده رك، (قاردیغان) قوینه منصب اولور.
Kamusul Alam, Şemseddin Sami; Kamusul Alamde Avon maddesi. osmanlıcada Avon ne demek, Avon anlamı manası, Avon osmanlıca nasıl yazılır. Osmanlıca sözlükte Avon hakkında bilgi. Arapça Avon ne demek. Arapça osmanlıca sözlük. Farsçada Avon anlamı
Kamusul Alamde - آوون Avon maddesi. Şemseddin Sami, Kamusul Alam Ansiklopedisi