Atacama ~ آتاقامه
Kamus-ul'Alam - Atacama ~ آتاقامه maddesi. Sayfa: 24 - Sira: 6
Atacama - آتاقامه
آمریقای جنوبیده (آند) سلسلهٔ جبالیله بحر محیط كبیر آره سنده بر چولدر ، كه (بولیویا) ممالكندن معدود ایكن ، پرو ایله شیل آره سنده و قوع بولان صوك محاربه بك نتایجندن اوله رق ، قسم اعظمی شیل حكو متنه التحاق ایتمش ، و شیلینك اك شمالی ایالتی اولمشدر . عرض جنوبینك ٢٤ درجه سندن ٢٩ درجه سنه قدر ممتد اولور . طول ٦۰۰ و عرض ١٦۰ كیلومتره اولوب، سطحی دخی ٩٨۰۰۰ مربع كیلوه متردر . درت سنجاغه منقسم اولوب ، مركزی (قوپیایو) شهریدر . اراضیسی قوملق وطاشلق اولوب، غایت قوزو اولدیغ كبی ، یاغموردخی یاغمدیغمد یغندن ، هیچ بر محصولات و یرمز بر چول حالنده در ؛ آنجق آلتون و باقیر و علی الخصوص كومش معد نلری پك چوق اولدیغندن خیلی اهمیتی اولوب ، اهالیسی دخی كیتد كجه چوغالمقده در. میلادك ١٨٧۰ تاریخنده اجرا اولنان
تحریر ده ٨٣۰۰۰ نفوسی وار ایدی ، كه بو نلرده باشلیجه نسبتً قابل سكنی اولان جهت جنو بیه سنده بو لنیورلر . بو صحرانك اوچ اسكله سی اولوب ، بو نلردن (قالدره) ایله مركزی اولان (قوپیاپو) آره سنده بر دمیر یولی واردر . كه شهر مذكوردن صكره جنوبه طوغری ممتد اولور . اهالیٔ اصلیه سی (شانغه) دنیلن قوم ایدی، كه بعض افرا دی الآ ن و حشیت حالنده چوللر ده طولاشمقده درلر. _ صحرای مذ كورك (پولیویا) ىٔك النده قالان قسم شمالیسنه كلنجه ، بوده بر ایالت اولوب، مركزی (سان پدرو) شهری ، و اسكله سی دخی (قوبیا) قصبه سیدر . بو ایالتك اهالیسی مقدما پك جزنی ایدیسه ده ، كومش وآلتون و باقیر معد نلری ینك كثر تی مناسبتیله پك چوق عمله طوپلانوب توطن ایتمكده در.
Kamusul Alam, Şemseddin Sami; Kamusul Alamde Atacama maddesi. osmanlıcada Atacama ne demek, Atacama anlamı manası, Atacama osmanlıca nasıl yazılır. Osmanlıca sözlükte Atacama hakkında bilgi. Arapça Atacama ne demek. Arapça osmanlıca sözlük. Farsçada Atacama anlamı
Kamusul Alamde - آتاقامه Atacama maddesi. Şemseddin Sami, Kamusul Alam Ansiklopedisi