Amou daria ~ آمو دريا
Kamus-ul'Alam - Amou daria ~ آمو دريا maddesi. Sayfa: 381 - Sira: 1
Amou daria - آمو دريا
ماورا ء النهر ایله خراسان آره سنده آقان مشهور جیخون نهرینه شمدیكی اهالی طرفندن ویریلن اسم اولوب، آوروپاجه دخی تعمم ایتمشدر. كتب قدیمۀ یونانیه ده (اوقسوس) و كتب اسلامیه ده جیخون نامیله معروفدر. بونكله متوازیاً ماورا ء النهرك شمالنده آقان سیخون نهرینك دخی اسم قدیم یونانیسی (یاقسارتیس) وشمدی بین الاهالی مستعمل اسمی (سیردریا) در. بزم اوراق حوادث محرر ومترجملری (آمودریا) اسمنی آوروپا لسانلرنده كوروب، ((ام دریا)) تعبیرندن غلط ظن ایتمكله، بویله بر تعبیر سقیمله ترجمه ایتمكه آلیشمشلردر، كه غلط فاحشدر. [((جیخون)) ماده سنه مراجعت بیوریله.]
Kamusul Alam, Şemseddin Sami; Kamusul Alamde Amou daria maddesi. osmanlıcada Amou daria ne demek, Amou daria anlamı manası, Amou daria osmanlıca nasıl yazılır. Osmanlıca sözlükte Amou daria hakkında bilgi. Arapça Amou daria ne demek. Arapça osmanlıca sözlük. Farsçada Amou daria anlamı
Kamusul Alamde - آمو دريا Amou daria maddesi. Şemseddin Sami, Kamusul Alam Ansiklopedisi