Alhama ~ آلهاما
Kamus-ul'Alam - Alhama ~ آلهاما maddesi. Sayfa: 349 - Sira: 3
Alhama - آلهاما
كذلك ((الحمام)) اسم عربیسندن غلطدر. بو اسمله اسپانیاده ایكی قصبه ایله بر چوق قریه لر واردر، كه ایلیجه لری بولنمق حسبیله بویله تسمیه اولنمشلردر. _ قصبه لرك بری غرناطه ایالتنده غرناطه شهرینك ٥۰ كیلومتره جنوب غربیسنده، مرتفع بر محلده و درین بربوغازك اوستنده واقع اولوب، ٧٥۰۰ اهالیسی وجوارنده نقریس وساىٔر امراضه پك ایی كلن قاپلیجه لری واردر. بوقاپلیجه لرك ابنیه سی رومالیلرك زمانندن قالمه اولوب، اورادن آقان بر چای دخی (آلهاما) یعنی (نهر الحمام) تسمیه اولنور. اندلس اهل اسلامی بو قصبه یی فوق العاده تزیین و اعمار وتوسیع ایتمشلردی، و ابنیه سی الآن عرب طرزنده در. موقعك دخی لطافتی حسبیله بو قصبه نك اهل اسلامك الندن چیقمسی عرب شعراسنك بر چوق مرثیه لرینه واسپانیا شاعر وموخلرینك بعض فخریه لرینه مبنی علیه اولمشدر. بو قصبه نك یاننده اولوب، ٢۰۰۰ متره ارتفاعی اولان بر طاغ دخی (آلهاما) ودها طوغریسی (الحمام) طاغی تسمیه اولنور، ودیكر بر اسمی ده (نجدا) در. _ ایكنجیسی (مرسیه) ایالتنده ومرسیه شهرینك ٢٩ كیلومتره جنوب غربیسنده، مرتفع طاغلرله محاط بر اووه نك اورته سنده وبر قلعه ایله مستحكم بر قیانك آلتنده واقع اولوب، ٦٩۰۰ اهالیسی ومشهور قاپلیجه ومعدن صولری واردر. قاپلیجه لرینك ابنیه سی رومالیلرك زمانندن قالمه در. _ كویلرك اك بیوكی (المریه) ایالتنده ومركز ایالتك ١٩ كیلومتره شمال غربیسنده اولوب، ٢٣۰۰ اهالیسی واردر. _ سراغوسه (یعنی سرقسطه) ایالتنده كینك ایسه یالكز ٦۰۰ اهالیسی وار ایسه ده، قاپلیجه
ومعدن صولری مشهور اولوب، رومالیلرك زماننده (آقوىۀ بیلبیلیتاناتوم) اسمیله معروف ایدی.
Kamusul Alam, Şemseddin Sami; Kamusul Alamde Alhama maddesi. osmanlıcada Alhama ne demek, Alhama anlamı manası, Alhama osmanlıca nasıl yazılır. Osmanlıca sözlükte Alhama hakkında bilgi. Arapça Alhama ne demek. Arapça osmanlıca sözlük. Farsçada Alhama anlamı
Kamusul Alamde - آلهاما Alhama maddesi. Şemseddin Sami, Kamusul Alam Ansiklopedisi