alton - آلتون

ممالك مجتمعه نك جماهیر شمالیه سندن (ایلیونیس) جمهوریتنك (ما-

دیسون) قضاسنده بر قصبه در، كه (میسیسیپی) ایرماغنك صول طرفنده اولان بر تپه نك اوزرنده وبو ایرماغك (میسوری) ایله نقطۀ تلاقیسندن ٥ كیلومتره یوقاریده واقع اولوب، ١٨١٨ تاریخ میلادیسنده تأسیس اولندیغی حالده، بوند‌ن اون سنه اول ٨٧۰۰ اهالیسی وار ایدی. بر قاچ دمیر یولك نقطۀ تقاطعنده واقع اولمغله، اهالی ومعموریتی كوندن كونه آرتمقده در.

ایچندن چكر. بو نهرلرك جمله سی وعلی الخصوص اك بیوكلری اولان (وولته) دكیزه پك چوق صو دوكوب، تموز وآغستوسده فیضانلری وقوع بولور. آنجق منصبلرینه قریب محللری قیالرله مسدود اولدیغندن، ایچلرنده سیر سفاىٔن ممكن دكلدر. بو قطعه نك سواحلی یوكسك بر سد صورتنده اولوب، سفاىٔنك یناشمه سنه مساعد یرلری بك آزدر، واولانلرده تهلكه دن سالم دكلدر. بوسدك اوته سی دوز وپایانسز بر اووه صورتنده ایسه ده، ایچندن چكلمسی محال اورمانلر وكرفت چالیلرله مستور اولدیغندن،‌ اهالىٔ مملكت اولان زنجیلر كندیلرینه مخصوص بر نوع قایقلریله باشلیجه نهرلر وجدوللر طریقیله بینلرنده ختلاط ایدرلر. بو اووه نك ایلریسی ینه اورمانلرله وكثرتلی نباتاتله مستور طاغلردن عبارت اولوب، غایت كوزل مملكتلر اولدیغی آكلاشیلیور سه ده، یوللرك مشكلاتندن واهالینك وحشیلكندن الآن‌كشف تحقیق اولنه مامشدر. آوروپالیلرك یرلشمش اولدقلری ساحل بوینجه دخی قصبه دنیله جك قدر جسیم زنجی كویلری پك صیق بولنیور، كه بونلرك اهالیسی آوروپالیلرله اختلاطلرندن بر درجه یه قدر انسیت كسب ایتمشلردر. آلتون ساحلك ایكی یاغمور موسمی اولوب، بری تشرین ثانینك ابتداسندن كانون اولك اواسطنه، ودیكری نیسانك ابتداسندن حزیرانك نهایتنه قدر دوام ایدر. علی الخصوص بو ایكنجی موسمده یاغمورلر پك شدتلی بوره طونه لرله یاغار. كانونلرده چوللردن كلن شمال شرقی روزكارلری اسوب، درجۀ حرارت، سانتیغراد اوله رق، كولكه ده ٣٢ وكونشده ٦٦ یه قدر چیقار؛ وبو موسمده مهلك صیتمه لر اكسیك دكلدر. اك سرین و اك صاغلام هواسی تموزك ابتداسندن تشرین اولك نهایتنه قدر اولوب، بو موسمده درجۀ حرارت كولكه ده ٢٥ ە اینر. باؤباب دنیلن جسیم آغاجله خرمایه مشابه آغاجلرك انواعی وساىٔر اقالیم حاره یه محصوص اشجار مثمره وغیر مثمره بولندیغی كبی، پورتقال، لیمون، هندستان جویزی، موس، آناناس وساىٔره دخی پك بولدر. پرنج محصولی دخی چوقدر. یر فستیغی تجارت محلیه نك باشلیجه سرمایه سیدر؛ بونك دانه لری جویز دانه سندن بیوك اولوب، قابوغندن بر یاغ چیقار، كه

پك چوق ایشلرده قوللانلدیغیچون، آوروپالیلر چوق رغبت ایدرلر، ویرلیلر كلیتله طوپلایوب، صاتارلر. پاموق وچوید دخی خدایی نابت یتیشیورسه ده، یرلیلر الآن یتیشدیرمكی اوكرنمه مشلردر. فیل، آرسلان وساىٔر حیوانات وحشیه نك انواعیله بر چوق جنس میمونلر و (شمپانزه) دنیلن نسناس نوعی كلیتلی بولندیغی كبی ییلان وساىٔر حشرات سمیه دخی پك چوقدر. دكیزده اون اون ایكی متره برابر پك سریع الحركه در. آلتون ساحلك اهالیسی باشلیجه اوچ قومه منقسم اولوب، بونلرده (آهانته)، (فانتی)، و (آشانتی) قوملریدر. بونلرك هر بری بر چوق قبیله لره آیریلوب، جمله سی بر جنسیته منسوب اولدقلری حالده، اكثریا مقاتله ده بولنورلر. بونلر ساىٔر زنجیلردن چوق دها زیاده تناسب اعضا وحسن وجماله مالك اولوب، رنكلری بسبتون سیاه اولدیغی حالده، برونلری دوز، دوداقلری اینجه، آغزلری وقولاقلری كوچك، دیشلری بیاض وكوزل، وعمومیت اوزره تندرست آدملردر. آنجق تنبللكده واخلاقجه اولان نواقصده ساىٔر زنجیلرله مشتركدرلر. شوراسی ده ذكره شایاندر كه سودانك هر طرفنده حكمفرما اولان دین مبین اسلام كوندن كونه جنوبه طوغری ایلریلمكده اولمغله، آشانیتلرله ساىٔر كینه اقوام زنجیه سی ایچنده افراد مسلمه خیلی چوغالمش، وبو اقوامك دخی انوار اسلامیه سایه سنده بولندقلری وحشیلك حالندن بسبتون قورتلملری وقتی یاقلاشمشدر. آلتون ساحل مستملكاتنك مركزی (آقره) شهری اولوب، ١٢ قضاسی واردر، كه غربدن باشلایه رق بروجه آتی ذكر اولنور: آپولونیا، آقسیم، دیكسقووه، بوتری، سقوندی، چامه، المینا، كپ قو آست، قومانتین، آقره، فریدنسبورغ، آدا. داهومی ساحلنده اولان (ویلیام) قلعه سیله آلتون ساحلدن منقطع اولان (لاغوس) دخی برر قضا صورتیله بوكا ملحقدرلر. بو اون درت قضانك اراضیسی ٤٥۰۰۰ مربع كیلومتره اولوب، ٥٥٨۰۰۰ اهالیسی واردر.