آقسنقر برسقی

Osmanlica ansiklopedi kamus alemde آقسنقر برسقی maddesi. Sayfa:265


Aksungur burusuku - آقسنقر برسقی

(قسیم الدوله سیف الدین ابو سعید _ ) ملوك

سلچوقیه امراسندن اولوب، سلطان محمد بن ملكشاه طرفندن ٤٩٨ تاریخ هجریسندن بری بغداد شخنه سی ایكن، ٥۰٧ تاریخنده موصل وشام والیسی اسباسلار مودودك طاىٔفۀ باطنیه طرفندن جامعده قتل اولنمسی اوزرینه، موصل وساىٔر اوحوالی والیكلنه نصب اولنمشدر. بوندن مقدم ٤٩٩ تاریخنده طاىٔفۀ باطنیه دن (كیقباد بن هزار اسب دیلمی) ید ضبطنده بولنان (تكریت) قلعه سنك محاصره وفتحنه مأمور اولوب، بر سنه محاصره دن صكره كیقباد استیمانه مجبور اولمش، وبرابرنده كیدر كن یولده وفات ایتمش ایدی. موصل والیسی اولدقدن صكره، شام طرفلرینه مسلط اولمش اولان اهل صلیبك اخراجنه مأمور اولوب، حلب وجوارلرینی استرداده موفق اولمش؛ وموصله عودتله، ٥٢۰ تاریخنه قدر امور مأموره سیله مشغول اوله رق، تاریخ مذكورده صوفیه قیافتنه كیرمش اولان طاىٔفۀ باطنیه دن بر جماعت طرفندن جامع شریفك مقصوره سی ایچنده‌ قتل اولنمشدر. دولت سلچوقیه امراسنك اك مشهورلرندن اولوب، شجیع وعادل بر ذات ایدی. قتلندن صكره یرینه اوغلی عزالدین مسعود تعیین اولنمش ایسه ده، یالكز بر سنه یاشایه بیلوب، بعده آنف الترجمه آق سنقرك اوغلی عماد الدین موصل والیسی اولمش، ومرور زمانله والیلكی سلطنته تحویل ایده رك، موصلده اتابكیان دولتنی تأسیس ایتمشدر.

Kamusul Alamde Aksungur burusuku maddesi, آقسنقر برسقی osmanlica tarih ve cografya ansiklopedisi Aksungur burusuku nedir anlami. hakkinda bilgi



2 9 16 23 30 37 44 51 58 65 72 79 86 93 100 107 114 121 128 135 142 149 156 163 170 177 184 191 198 205 212 219 226 233 240 247 254 261 268 275 282