Astyage ~ آستياغ
Kamus-ul'Alam - Astyage ~ آستياغ maddesi. Sayfa: 189 - Sira: 6
Astyage - آستياغ
یونان مورخلرینك روایته كوره (میدیه) حكمدارلرینك اخیری و (كی آشار) ك اوغلی اولوب، قبل المیلاد ٥٩٥ تاریخندن ٥٦۰ تاریخنه دك سلطنت
سورمش؛ و، (هرودوت) ك روایتنه كوره، قیزی (مندانه) ایله فارس حكمداری (قامبیس) دن متولد تورونی (كیروس) طرفندن خلع، وملكی ضبط اولنمشدر. (اكسنوفون) ایسه (كیروس) ك آستیاغك وفاتندن صكره میدیه تختنه اوتوردیغنی بیان ایدیور. _ (كیروس) دنیلن حكمدارك (كیخسرو) اولدیغی فرض اولنسه، (آستیاغ) ك ده (افراسیاب) اولمسی لازم كلیر، كه او حالده شاهنامه ده توران دنیلن مملكتك دخی (میدیه) یعنی عراق عجمی وآذربایجاندن عبارت اولمسی اقتضا ایدر. آنجق كیروسك (كیكاوس) دن، میدیه نك دخی (مازندران) دن عبارت اولمسی ده محتملدر. هر حلده ایرانك ایرانیلر ویونانیلر عندنده مروی اولان تاریخلرینك نطبیقی مشكل اولدیغی كبی، كیخسروك زماننی میلاددن یالكز بش آلتی عصر اول، وكیخسرودن مؤخر اولان (زردشت) ك ظهورینی میلاددن اون آلتی عصر مقدم كوسترن اوروپا مورخلرینك تحقیقاتی ده باعث تعجبدر.
Kamusul Alam, Şemseddin Sami; Kamusul Alamde Astyage maddesi. osmanlıcada Astyage ne demek, Astyage anlamı manası, Astyage osmanlıca nasıl yazılır. Osmanlıca sözlükte Astyage hakkında bilgi. Arapça Astyage ne demek. Arapça osmanlıca sözlük. Farsçada Astyage anlamı
Kamusul Alamde - آستياغ Astyage maddesi. Şemseddin Sami, Kamusul Alam Ansiklopedisi