Armagnac Comtes - آرمانياق قونتلري

فرانسه نك آنف الذكر آرمانیاق ایالتی دره بكلرینك عنوانی اولوب، بو خانداندن یدنجی بر نار اون بشنجی عصر میلادی اواىٔلنده فرانسه یی تخریب ایتمكده بولنان (بورغونیه) و (اورلیان) دوقه لری بیننده كی مخاصماته قاریشه رق، اوغلنه قیزینی آلمش؛ اولدیغی (اورلیان) دوقه سنك طرفنی آلمش؛ وبو دوقه نك قتلندن صكره، (اورلیا) دوقه لغی طرفیكرلرینك باشنه چكوب، بورغونیه دوقه سنی مغلوب، وكلیتلی بر عسكرله پارسه دخول ایده رك، قرالیچه (ایزابو) یی كندیسنی ابتدا باش مابینجی وبعده باش وكیل تعیین ایمكه مجبور ایتمش ایسه ده، ارتكاب ایتدیكی مظالم اوزرینه، قرالیچه بورغونیه خانداننه التجایه مجبور اولمغله، میلادك ١٤١٨ تاریخنده بورغونیه لیلر پارسه كیرنجه، بتون اهالی دخی اولنره التحاق ایده رك، كندیسنی وطرفدارلرینی قتل ایتمشلردر. _‌‌ بونك طورونی بشنجی ژان قرال یدنجی شارل زماننده انكلیزلرله مخابرات خفیه ده بولنمق تهتمیله اتهام اوله رق، املاكی بالمصادره نفی اولنمش ایسه ده، اون برنجی لویینك جلوسنده عفو واملاكنك بر مقداری اعاده اولنمش؛ وآنجق كندیسنی فرانسه قراللغی علیهنده تشكل ایتمش اولان ((منفعت عمومیه اتفاقی)) نام هیىٔته داخل اوله رق، قرالك برادری طرفنی التزام، وفراسنه سواحلنی انكلیزلرله آراغونلیلره تسایم ‌ایتدیكندن، یكیدن نفی ومصادره ایله محكوم اولنجه، سلاحه صاریلوب، خیلی وقت تخصن ومقاومت ایتمش؛

ونهایت ١٤٧٣ ده قرالك عسكری خیانتله قلعه یه ادخال اولنه رق، كندیسنی قتل ایتمشلردر. بو قونت همشیره سی ایزابلاایله مناسبات غیر مشروعه ده بولنه رق، پاپانك پروتستولریله برابر، همشیره سنی علناً ورسماً تزوج ایتمشیدی. _ ینه قونت بر نارك ایكنجی اوغلندن طورونی اولان (ژاق) دخی اون وربجی