Armagnac ~ آرمانياق
Kamus-ul'Alam - Armagnac ~ آرمانياق maddesi. Sayfa: 140 - Sira: 4
Armagnac - آرمانياق
فرانسه نك جنوب شرقی جهتنده كو (غاسقونیه) مملكتنك بر قطعه سیدر، كه تقسیمات قدیمه ده بو ولایتك برسنجاغی اولوب، شمالاً (قوندوموآ) و (آژنه) شمال شرقی طرفندن (كرسی)، شرقاً (لانكدوق)، جنوباً (بیغوره) و (قومنژه)، غرباً (بنٔارنه)، (مارسان) و (غاباره) قطعه لریله محدود ومحاط ایدی. ایكی داىٔره یه منقسم ایدی؛ ((اوست آرمانیاق)) ك مركزی (اوش) شهری اولوب، درت قضاسی وار ایدی؛ ((آلت آرمانیاق)) ك مركزی (نوغارو) شهری اولوب، ایكی قضاسی وارایدی، ومملكتك اراضیسی منبت اولوب،
خیلی حبوبات، شراب وقونیاق محصولاتی واردر. تقسیمات جدیده ده بونك اكثر اراضیسی (ژرس) یالتنی تشكیل ایدوب، قالان طرفلری دخی ((لوت وغارونه)) ، ((تارنه وغارونه)) و ((اوست غارونه)) ایالتلرینه الحاق اولنمشدر. آرمانیاق قطعه سی ابتدا (آ كتین) ە ملحق اولوب، بعده (غاسقونیه) یه الحاق، و میلادك ٩٦۰ تاریخنده وراثت امتیازیله آیریجه بر قونتلغه تحویل اولنمشیدی. میلادك ١٦٤٥ تاریخنده قرال اون دردنجی لویی (آرمانیاق) قونتلغی عنواننی (لورنه) لی هنری یه ویرمش، وبو عنوان ١٧٨٩ تاریخنه دك مرقومك نسلنده قالمشیدی. تاریخ مذكورده فرانسه ایالات جدیده یه تقسیم اولنمغله، بو اسم دخی ساىٔرلری كبی متروك قالمشدر.
Kamusul Alam, Şemseddin Sami; Kamusul Alamde Armagnac maddesi. osmanlıcada Armagnac ne demek, Armagnac anlamı manası, Armagnac osmanlıca nasıl yazılır. Osmanlıca sözlükte Armagnac hakkında bilgi. Arapça Armagnac ne demek. Arapça osmanlıca sözlük. Farsçada Armagnac anlamı
Kamusul Alamde - آرمانياق Armagnac maddesi. Şemseddin Sami, Kamusul Alam Ansiklopedisi